Den e reunion cu Secretario di estado di Asuntonan Interno y Relacion di Reino, Eddie van Marum lider di fraccion di PPA Otmar Oduber tambe tabata presente pa conoce e Secretario di estado nobo. Sinembargo banda di e agendanan cu Secretario di estado kier a bin cu ne , fraccion di PPA ta kere loke cu tam as importante awe ta Rijkswet, y esaki tabata e punto di salida di Otmar Oduber den e reunion cu Secretario di estado.
Sinembargo na mes momento ta lamenta e postura cu diferente fraccion nan ta tuma , ni fraccion di AVP y no fraccion FUTURO ta haci ni un pregunta riba Rijkswet y no kier papia mes riba Rijkswet y ta haci comosifuera cu pa nan e ta un done deal pa wak ki ora e Rijkswet ta yega parlamento ta vota voor siendo cu por a mira cu por a mira e forma cu fraccion di PPA a combersa cu e Secretario di estado y nos mester ta realistico cu esaki ta di cuater Secretario di estado cu Aruba ta atende cu e punto di Rijkswet.
Ta hopi tristo na momento cu ta scucha Secretario di estado mes bisa cu e no por compronde con parlamento di Aruba no ta wordo informa door di gobierno, e rol di parlamento ta cu ta gobierno di e pais tin cu duna informacion. Secretario di estado di Asuntonan Interno y Relacion di Reino, Eddie van Marum no ta haya cu ta corecto pa su persona duna parlamento di Aruba informacion.
Sinembargo na mes momento Secretario di estado a indica cu awe 13 di augustus 2025 lo reuni cu gobierno na nivel diplomatico di gobierno y lo atende cu e asunto aki mirando cu no por compronde cu gobierno di Aruba no ta informa parlamento Parlamento di Aruba di nada.
Un otro punto cu a discuti cu Secretario di estado cu ta imposibel cu un gobierno no ta duna informacion na Parlamento y e pa pone hopi enfasis den e parti aki debi cu con e organo mester funciona normalmente ta cu parlamento di Aruba ta duna indicacion na gobierno di Aruba principalmente na momento cu ta papia di un autonomia di un pais cu ta e factor di mas importante di discusion na e momentonan aki. Normalmente un parlamento ta duna indicacion na su gobierno den ki direccion un Rijkswet tin cu bay, pero lamentablemente esaki no ta e caso na Aruba.
Na momento cu bo ta papia di un Rijkswet bo ta papia di un ley cu no ta solamente di bo Pais pero tambe e relacion den Reino Hulandes. Lamentablemente parlamento di Aruba nunca a haya e oportunidad principalmente e parlamento nobo aki no a haya e oportunidad pa ventila su pensamento riba Rijkswet di gobierno paso cada biaha gobierno ta sconde pe, fraccion di PPA a keda sosteni door di fraccion di MEP unda cu a haci un peticion mas cu 5 luna pasa pa un reunion publico , pakico un reunion publico ta paso e ora pueblo ta mira unda cada fraccion ta para riba e desicion aki di Rijkswet.
Sinembargo den un Bijeenkomst no mester fiha un posicion , pero den un reunion publico cada fraccion mester bay dicidi , para y bisa unda nan ta para pa loke ta trata e Rijkswet. Lider di fracicon PPA Otmar Oduber a puntra Secretario di estado si e fecha di october ta riba mesa manera nos tur sa cu e Rijkswet mester wordo presenta na gobierno di Reino , den e caso aki na minister Radd di Reino Hulandes pero no a duna un contesta riba e parti aki, pero a indica cu lo bay papia cu gobienro di Aruba riba e parti aki. Cu esaki un biaha mas ta mira cu parlamento ta keda den limbo , y asina e comunidad ta tambe. Henter e comunidad ta den limbo paso no tin ningun informacion ta bin pa parlamento. Na momento cu parlamento di Aruba mester para fuerte y duna su punto di bista lamentablemente ta mira con zwak fraccion di AVP y fraccion di FUTURO ta den politica y ta smile y hari so cu Hulandesnan y ta haci manera cu tur cos ta ok , siendo Aruba ta den un liña unda Hulanda tin un intencion di kita e autonomia di Pais Aruba. Esaki ta un acto di inmadurez politico di tanto fraccion di AVP y FUTURO den parlamento.