Aruba ta perde 5-1 contra Puerto Rico na CONCACAF Nations League, Degrada na Grupo C

Seleccion Nacional di Futbol di Aruba a sufri un derota di 5-1 contra Puerto Rico ayera, den e wega di CONCACAF Nations League. E unico gol pa Aruba a bin di Javier Jimenez, cu a score na 21 minuut, pero no tabata suficiente pa logra un resultado positivo pa e team. Asina mes Aruba a haya varios oportunidad pa empata e wega pero no a probecha. Na di dos tempo mientras cu Aruba ta presionando Puerto Rico ta score un gol y ta hasi e wega 3-1. Ni con hopi e guynan di Aruba a protesta e gol cu tabata den posicion adelanta referi a disidi otro.Kibrando asina tur e speransa.

Cu esaki, Aruba lo ta degrada na Grupo C pa e siguiente fase di e competencia.

A pesar di e derota, e team ta enfoca pa su ultimo wega di e CONCACAF Nations League 2024/2025, cu lo tuma lugar Dialuna 18 November contra Sint Maarten pa 5:00 PM. E wega aki lo sirbi como un oportunidad pa e team finalisa  e campeonato cu un nota positivo y sigui traha pa futuuro.

Marvic Bermudez, entrenador, a expresa:

“Si nos decepciona cu e resultado di wega, nos ta keda enfoca riba nos ultimo wega contra di Sint Maarten. Nos lo reagrupa pa sigui traha duru como un team y sigui mehora.”

E wega contra Sint Maarten lo ta importante pa Seleccion Nacional di Aruba pa recupera e momento y pone e base pa exito den futuro.