Guizza Maria Steenvoorde, Teen Universe International 2025
E reinante Teen Universe International 2025, Guizza Maria Steenvoorde, lo representá Aruba y e organización Teen Universe International, den su bishita na Panamá, na unda e lo ta forma parti den e elección di Teen Universe International di Panamá.
E bishita ta bini despues di un invitashon special di Andres Atencio, CEO di Teen Universe Panamá Franchise, y Maik Lumbi, cu a invitá e delegashon di Aruba pa traha riba un colaboracion futuro entre e dos nacionan.
E meta di e bishita ta pa promové intercambio cultural, empoderacion di hubentud, y cooperacion internashonal, fortaleciendo e relacion di amistad entre Aruba y Panamá den un espiritu di diversidat y excelencia.
E presencia di Guizza Maria na Panamá ta reflehá no solamente su título komo Teen Universe International 2025, sino tambe su crecemento como un embahadora hubenil global.
Guizza Maria ta sigui inspira hubentud cu su mensahe di educacion, inclucion i consenshi cultural.
Durante e aña aki, Guizza Maria a forma parti di e pasarela internashonal di Doral Fashion week na Miami, New York Fashion Week y Milan Fashion Week, representando cu orgullo e elegancia di e hubentud Arubano na e plataforma di moda mas prestigioso di mundo.
Durante su estadia na Hulanda, e la bishitá varios scol, y a papia cu studiantenan Internacional tocante inclusión, Leynan Internashonal Europeo, y e trabou mundial di UNICEF pa protehá y empoderá mucha rond di mundu.
Pa loke ta su bishita na Panama mester remarca cu al igual Aruba, Teen Universe Panamá Internacional tin solamente un aña di exsistencia, e ya a logra un posicion fuerte den pasarela y organisacion internacional, demostrando e nivel haltu di preparacion y talento di su partisipantenan. E logronan aki ta un otro paso grandi pa reconosé e talento hubenil panameño na nivel mundial. Panama a logra na Punta Cana, e titulo di Teen Universe International Petite den e fabuloso presentacion di Alexandra Guzman. Ta bibo den nos mente su precioso trahe tipico “El Despertar de la Niña, La Pinta, y Santa María.”
Guizza Maria a bisa cu entusiasmo:
“Ta un honor grandi pa representá Teen Universe International na Panamá y pa forma parti di e celebracion di hubentud, cultura i empoderacion. Mi ta inspirá di mira con certamennan ta uní paisnan y duna hubentud un plataforma pa hasi e diferencia.” “Teen Universe International a habri hopi caminda pami. Mi trabao cu Unicef, lo ta mi misión primordial, despues di entrega mi corona. Y sigur, mas cu tur otro, e mensahe pa hubentud, cu nos voz ta conta”
Despues di Panama, Aruba su embahadora ta biaha próximamente pa Miami, pa uni su mes na e elección di Miss Teen Universe International Cuba.
E Organisashon Teen Universe International ta continua cu su misión pa empoderá hendenan muher hoben rond di mundu, promoviendo liderazgo, confiansa i comprenshon cultural pa medio di arte, educación sirviendo comunidad.
Guizza Maria tambe trahando riba su anochi final y aki na Aruba e lo trese den un manera yega na su curazon, su collecion, confeciona pa diferente disenadornan local y internacional. Bistinan escogi cu delicadeza y confeciona entre otro teniendo en cuenta e tema AUTISMO, ARUBA y CULTURA, sea den color of diseño. Un precioso collecion, cu e lo luci durante su dianan na Nicaragua na Februari 2026. E anochi di gala aki lo tuma lugar na January. Pa asina clausula su reinado cu a hiba un mensahe pa mundo henter, Aunke Aruba ta chikito, e ta grandi den unión y belleza, BO NO TA BO SO!
