BonaireFeaturedInternacional

Na Boneiru for di djárason 7 di yüli 2021 no tin karentena obligatorio standart mas

Vacuna Boneiru

No tin karentena obligatorio standart mas pa biaheronan ku ta bini Boneiru for di paisnan di riesgo haltu. Esaki ta konta for di djárason 7 di yüli 2021. Kada dos siman ta evaluá tur pais relevante for di kua tin hende ta biaha pa Boneiru riba desaroyonan resien i por añadí paisnan nobo riba e lista di riesgo haltu òf por kita sierto pais for di e lista.

E biaheronan mester hasi tèst sí promé ku nan salida pa Boneiru i, si ta nesesario, hasi un tèst na yegada tambe. Por haña e tèstnan korekto riba www.bonairecrisis.org. Tambe ta pidi nan pa hasi tèst un biaha mas ku un tèst di PCR riba e di 5 dia despues di nan yegada na nos isla. 

E biaheronan ta firma un deklarashon ku nan ta dispuesto pa hasi un tèst di PCR riba e di 5 dia despues di nan yegada i nan ta haña un sita pa un tèst grátis na departamento di Salubridat Públiko. Mas despues un empleado di departamento di Salubridat Públiko ta tuma kontakto ku e pasahero pa kòrd’é riba su sita. Un pasahero ku no bai hasi tèst riba e dia palabrá, por hasi esei ainda serka un otro organisashon di tèst riba e di 6 dia despues di su yegada. Pero e ora ei e biahero mes mester paga gastu di e tèst. Biaheronan ku no hasi tèst, ta bai durante 10 dia den karentena na nan adrès di kas òf nan adrès di vakansi.   

Related posts

Parlamentario Alvin Molina: Agricultura merece su debido atencion

EA News Author

Departamento di bombero na SABA a tuma tres hoben den servicio

EA News Author

E magia di agrikultura ku LVV

EA News Author

1 comment

Leave a Comment

Whatsapp Message