Social

Atencion na tur Tata! Bo opinion tambe ta importante

Papa Telt Af 1200X800 1

Fundacion pa Nos Muchanan (FPNM) ta actualmente bezig cu un encuesta importante
bou di mayornan di mucha entre 0 – 5 aña. Pa esaki nos mester di e opinion di ambos mayor. Actualmente e cantidad mas grandi di mayor cu a yena e encuesta aki ta mamanan cu tin yiu entre 0-5 aña. Pa e motibo aki nos ta haci un apelacion special na tatanan pa tambe participa. Un di nos metananan ta pa, eleva e calidad di cuido y guia y lantamento di mucha door di duna apoyo na mayornan, centronan di cuido infantil y otro educadornan.

E informacion cu nos recibi di e encuesta aki ta valioso pa asina nos por
haya sa con ambos mayornan ta experencia ser un mayor di un mucha chikito.
Loke nos kier sa dibo como tata ta : Kico ta e retonan di mas grandi lantando un mucha den e temponan aki? Kico ta e retonan cu e Pandemia di COVID-19 a trece pa bo? Kico ta duna bo mas satisfaccion como mayor? Ki informacion y sosten bo ta desea mas? Nos ke tende di mama y tambe di e tatanan. Cu e informacion aki, FPNM lo ahusta su servicionan pa por cumpli cu e necesidadnan cu a bin dilanti for di e investigacion aki.

Pues, nos ta haci un yamada na tur mayor pero vooral na e tatanan cu tin yiu entre e edad di 0 – 5 aña pa participa na e encuesta aki. E ta disponibel na Papiamento y na Ingles. Cada un cu un otro link, cu ta obtenibel akibou of riba nos facebook page. Si bo ta mama of tata di un yiu entre e edadnan menciona ariba, por fabor, tuma algun minuut pa yena e encuesta importante aki. Djis klik riba e linknan akibou pa haya e encuesta na bo idioma preferi.

Nos lo rifa varios cadeaubon (vouchers) pa comestibles na supermercadonan local na balor di Afl. 100,-. Y Afl. 150,- Pues, participa! Nos lo anuncia e fecha cu lo saca e ganadornan di e vouchernan di supermercado mediante nos facebook page. Dus, no keda sin like nos Facebook page: Fundacion Pa Nos Muchanan.

Pa cualkier pregunta, por tuma contacto cu FPNM na: 588-0856 of 583-4247 of info@fpnm.aw.

Link pa e encuesta na Papiamento: https://www.surveymonkey.com/r/FPNM_PAP

Link pa e encuesta na Ingles: https://www.surveymonkey.com/r/FPNM_ENG

Related posts

Minister di Cultura Xiomara Maduro presente na Exposicion “E lens di mi wowonan” organisa pa Leo Vrolijk

EA News Author

Gobierno no a limita nos cultura pa celebra di otro

EA News Author

Nigel Maduro : Nos mester ta mas consciente y habri pa tin consciencia riba nos naturalesa

EA News Author

Leave a Comment

Whatsapp Message