Cruz Cora Aruba ta conoci pa su rol durante temporada di Carnaval, ora cu boluntarionan ta brinda asistencia na paradanan y durante festividadnan cu ambulans y servicionan di emergencia.
Durante 2020, Cruz Cora a enfrenta e retonan di Covid19, brindando asistencia social na esnan cu menos recurso y den necesidad, partiendo paketenan di cuminda di emergencia, despues vouchers, den colaboracion completo cu gobierno Hulandes, Fundacion pa Nos Comunidad y un network di patronisadornan y donacionnan, incluyendo industria di hospitalidad, supermercadonan, bendedornan di cuminda, y otro NGO’s.
Den un rapport reciente publica por medio di Cruz Cora na December, e organisacion a haci e publico cu na Aruba tin 17,740 persona ricibiendo asistencia cu cuminda, 10,863 di kende directamente ta haya donacionnan for di Cruz Cora Hulanda y 6,877 via organisacionnan partner local, 184 hogarnan a ricibi sosten cu costonan di scol manera bus, uniform, buki y school geld.
E asistencia social brinda por medio di Cruz Cora adicionalmente na necesidadnan basico, cuminda, paketenan di higiena, tambe ta cubri nos grandinan solitario, personanan indocumenta cu ta busca asilo y refugiadonan, anto un lista extensivo di individuonan cu a wordo afecta hopi duro mes por medio di e situacion economico.
Aruba a wordo afecta gravemente por medio di e pandemia, door di su dependencia grandi na turismo, y consecuentemente e necesidad pa asistencia di cuminda a aumenta drasticamente, desde comienso di e crisis di coronavirus.
Consecuentemente, un plan di emergencia a wordo lansa den colaboracion cu Cruz Cora Hulanda, pa un programa di escala grandi akinan, cual a sa di yuda aproximadamente 3,500 hogar desde luna di Mei 2020.
Apesar di cuminda, otro necesidadnan manera costonan medico, huur y utilidad, cual algun local no tabata tin placa pa cubri esakinan mas, solamente por a wordo yuda na un escala chikito.
Ta conoci cu pa Cruz Cora por sigui mantene tur su programanan, pa tur cos keda draai, nan ta depende di un network di organisacionnan manera ATSA, Aruba Time Share Association, pa ayudo financiero, cual ta traduci su mes na un acuerdo a largo plaso di cinco aña, pa un donacion anual di awg. 5, 000 florin.
E aña aki, sinembargo, e donacion a wordo expandi pa inclui un suma adicional di awg. 7,800 florin dedica na cuminda pa pasco, como parti di e esfuerso local di Meals on Wheels, den honor di celebracionnan venidero di pasco y aña nobo.
ATSA ta inclui e siguiente propiedadnan di resort: Marriott Ocean Club, Marriott Surf Club, Playa Linda Beach Resort, Amsterdam Manor, La Cabana Beach Resort & Casino, Divi Phoenix, Divi Dutch Village, Divi Village, Divi Golf Villas & Residences, La Quinta, Paradise Beach Villas, Casa del Mar Beach Resort, Aruba Beach Club Resort, Caribbean Palm Village resort, y Eagle Beach Resort.
Estableci na 1994, e asociacion ta traha na un nivel local, manera un miembro sostenibel di AHATA, Aruba Hotel & Tourism Association, y otro organisacionnan local manera tambe entidadnan gubernamental. Riba un nivel regional, na unda cu Aruba ta continua na wordo reconoci manera un destinacion modelo di Timeshare, ATSA ta liga profesionalmente cu CHA, the Caribbean Hotel Association, y tambe ta beneficia di colaboracion continuo cu ARDA, the American Resort Development Association.
Programanan cu ta wordo opera por medio di Cruz Cora: Healthcare & Psychosocial Support Program; Awa, Sanitacion y Higiena Program, Asistencia cu Alimentacion y Shelter, Necesidadnan Basico. Cruz Cora su boluntarionan tin training den promocion di higiena y uzo corecto di ekipo di proteccion.
Den e imagen por mira partners Cruz Cora y ATSA, ta pose pa un oportunidad pa un potret hunto, mientras cu e donacion ta wordo presenta.
