Local

AUA AIRPORT TA KEDA HABRI Y OPERACIONAL


ORANJESTAD,Aruba

Despues di e comunicado cu Aruba Airport Authority N.V. (AAA) a emiti Diabierna 3 di April, 2020, AAA kier clarifica tur posibel malinterpretacion:
AUA Airport ta habri y ta operacional. Medidanan di prevencion contra COVID-19 institui door di gobiernonan local y internacional a forsa aerolineanan comercial pa adapta nan schedule pa/for di Aruba (y otro destinacionnan rond mundo) por lo pronto. Asina cu e medidanan gubernamental y e schedule di e aerolineanan cambia, AUA Airport lo bolbe atende nan tur di e mesun forma cu semper a wordo haci.
Estimacionnan preliminar ta indica cu pa e siguiente lunanan e situacion no lo cambia, pero nos ta premira cu despues di e periodo estima aki e cantidad di buelonan lo aumenta bek gradualmente, te ora yega e nivelnan normal bek den December 2020, cu lo ta e inicio di e temporada peak pa nos isla. Esaki no kiermen cu AUA Airport ta sera awo y cu e lo habri bek na December, pasobra AUA Airport nunca a sera.
E ta hopi importante pa menciona cu loke a wordo menciona ta basa riba indicadornan preliminar. E situacion ta cambia hopi liher, mirando cu dia pa dia e scenario por ta diferente.

Related posts

Minister Endy Croes a atende un bon reunion cu cabesantenan di scolnan preparatorio & basico di dienst publieke scholen

EA News Author

IBISA : Drumi suficiente ta hopi importante pa mucha y hobennan. Tambe den dianan di fiesta!

EA News Author

Bomberonan di Aruba y e ministerio di boluntarionan di Freewinds a yuda Aruba Airport Authorities pa habri aeropuerto.

EA News Author

Leave a Comment