ORANJESTAD, Aruba
Awe mainta autoridanan hudicial cu un team special a drenta cas di e ciudadano Aisha Esser na Madiki. Na final a sali solamente cu algun papel den man.
Aisha Esser no ta un persona desconosi den e mondo politica, e la yega di core campanja y ta man drechi di Mike Eman, y na ultimo a sigui cu su campanja na momento cu Otmar Oduber a disidi di Sali di AVP pa lanta sum es un Partido POR, y e ta un persona cu semper a compaña Otmar Oduber den su carera politico y den e ultimo dos añanan cu Otmar Oduber tabata politico, a traha hopi cerca cu ne. Pues na momnento cu a cuminsa cu investigacion Flamingo ta mas cu logico cu lo a investiga e hendenan hopi cerca di dje tambe. Esaki ta un prosedura normal cu ta tumanodo luga y e ta pasa den tur investigacion grandi
Aisha despues a comenta na su hendenan cu e no tabatin ningun problema pa e imnval na su cas, pasobra e no tin nada di sconde. Ademas, na momento cu a tira inval na Oduber su cas, el a papia cu ne y a haya siguransa cu e ta inocente.
Esser mes den e dos añanan cu el a traha cu Otmar Oduber a sinta den e oficina na banda di Bestuurskantoor.
Tur e dos invalnan aki tin di haber cu caso di Flamingo, unda a tira inval na cas di Otmar Oduber y algun otro adres mas dia 24 di juni. Segun por a compronde tin 8 acusacion contra Oduber. Tur cos ta den fase di investigacion ainda.