Despues di kasi dos aña di ta stashoná na Kòrsou, e avion no tripulá MQ-9 e luna aki ta sali pa Rumania pa defensa di e Flanko Oriental di OTAN. E avionnan ta keda desplegá pa rekompilá informashon a lo largu di e frontera Oriental di e área di e tratado. Riba Djabièrnè 12 di yanüari 2024 e MQ-9 a hasi su último buelo pa Defensa den Region Karibe Hulandes.
E eskoho pa Kòrsou komo base prinsipal a keda motivá pa kondishonnan klimatológiko faborabel i e disponibilidat di e espasio aéreo. Tres di e kuater aparatonan tabata stashoná na Kòrsou. Inisialmente destiná pa formashon i preparashon di e personal di forsanan aéreo, e avion no tripulá a keda utilisá posteriormente tambe pa presta asistensia lokal i operashonnan antidroga. Mas o ménos 2800 ora di buelo a ser hasí.
No opstante e baimentu di e MQ-9 Defensa ta keda aktivo den Region Karibe Hulandes den e espasio aéreo ku e avion Dash-8 di patruya marítimo di Wardakosta Region Karibe Hulandes.
