Featured Bonaire Internacional

Awa sushi di yatenan ta afektando ref den bahia di Kralendijk


Awa shushi di entre otro twalèt for di yate ku ta resultá den laman nèt riba e ref di Boneiru, no tin un efeckto positivo riba medio ambiente en general i e refnan en partikular.

Esaki a sali na kla for di e ‘Afvalwater Enquête 2021’ ku a ehekutá serka e yatenan ku ta mará na e bui den Bonaire National Marine Park. Ta peligroso pa depositá awa di roi ku no ta filtrá den laman rondó di Boneiru. E resultadonan di e enkuesta ta papia pa nan mes. Ta di sumo importansia pa kolektá awa sushi i prosesá esaki ya hende ta stòp di depositá awa sushi riba e ref di koral. STINAPA, Entidat Públiko Boneiru (OLB), Water en Energiebedrijf Bonaire (WEB) i Wereld Natuur Fonds (WWF-NL) a tuma inisiativa i a traha huntu pa realisá e investigashon aki.

Alarmante

E resultadonan i konklushonnan di e investigashon ta alarmante. Tur aña ta depositá un gran kantidat di awa sushi ku no ta filtrá, inmediatamente den laman. Un gran parti di esaki ta tuma lugá direktamente riba e ref. E laman rondó di Boneiru tin e mihó refnan di koral den Karibe i esaki ta ser afektá pa e polushon ku e awa sushi ta trese ku ne.

E situashon aki no ta faborabel. Por tuma akshon basta ku tin alternativa. STINAPA, OLB, WEB i WWF-NL ta traha huntu ku hafnan di yate riba un solushon duradero pa duna e koralnan un chèns pa rekuperá. E solushon ku ta trahando riba dje ta unu kaminda un boto por pòmp i kolektá e awa sushi den e yatenan i pa despues prosesá esaki riba tera. Por finansiá e gastunan èkstra ku esaki ta trese kuné dor di oumentá e tarifa ku e yatenan mester paga pa para den haf. Yatenan ku ta bishitá Boneiru ta paga solamente $10 pa anochi pa mara na un bui, kaminda e tarifa ta mas haltu na otro islanan den Karibe.

Reto

Den un periodo di 3 siman a bishitá i a hasi enkuesta na mas o ménos 70 yate na Boneiru. Tambe a tuma un prueba di awa sushi serka un par di e yatenan pa analisá esaki despues. Di e manera aki por a generá informashon tokante e kantidat i kalidat di e awa sushi. Tambe tin un bista awor di tur e fasilidatnan ku ta disponibel (òf ku falta) riba e yatenan pa warda òf prosesá awa sushi. Ta un reto pa por prosesá awa sushi. Awa sushi ta hopi salu i esaki ta influensiá e kalidat di e awa ku por ser usá di nobo komo awa di irigashon. E organisashonnan konserní tin diferente kombersashon ku ekspertonan. Nan ta buskando un solushon i nan ta habrí pa sugerensia.

Related posts

Minister di husticia di Korsou Shalton Hato presente na India na reunion di Interpol

EA News Author

E prome detencion di Fakkel ta conocido di polis y ta busca pa husticia tambe

EA News Author

Riba 7 di yanüari tin 82 kaso aktivo di Covid-19 na Boneiru.

EA News Author

1 comment

Awa sushi di yatenan ta afektando ref den bahia di Kralendijk - Notisia 365 October 2, 2021 at 4:00 pm

[…] Source link […]

Reply

Leave a Comment