ORANJESTAD,Aruba
Ministerraad a dicidi pa practicamente kita e cartera di Infrastructura y Medio Ambiente for di su mando. Por lo pronto responsibilidad di e cartera ministerial concerniente lo bai reposa bou di Minister President.
E decision no tabata uno facil, pero tin diferencianan ireconciliabel entre Minister Marisol Lopez-Tromp y varios Minister den coalicion y den interes pa por tin stabilidad y gobernacion efectivo di nos pais pasonan decisivo mester a wordo tuma mirando e crisis sin precedente mundial cu nos pais ta enfrentando.
Diasabra un comision special cu ta consisti di miembronan di tur tres partido di coalicion lo invita Minister Marisol Lopez-Tromp pa un reunion.