Prome Minister Mike Eman a haci un bishita na gobernador di Aruba, esaki ta un bishita di rutina cu ta tuma luga na gobernador. Sinembargo e di dos cabes di e gabinete AVP-FUTURO no ta mane un stalking cu Prome Minister Mike Eman e biaha aki pa cu e reunion rutinario na Gobernador , pero cu tambe ta elabora riba diferente topiconan otro topiconan di interes como prome minister di Pais Aruba mester toca cu Gobernador di Pais Aruba.
Prome Minister Mike Eman ta confirma cu a haya e carta ayera di parti di DIMP despues cu de Meza a haci diferente bishita y reunionnan cu DIMP y asina a percura tambe abase di e articulonan cu tin pa yega na cierto acuerdonan unda cu e documentonan a keda entrega na gobernador y tambe formadornan.
Mirando e resultado prome minister Mike Eman ta duna di conoce cu mester papia cu e cantidato pa bira minister Mike de Meza riba e resultado pa mira kico ta e siguinte pasonan cu lo tuma. E resultado no por a bisa ainda debi cu mester tene esakinan priva, pero ta hopi cla cu na momento cu a haya e periodo pa ta den e contacto cu belastingdienst hopi punto a keda clarifica pero semper ta keda cu e respet pa e diensten nan opinion y tambe e parti huridico con ta interpreta diferente tema. Segun prome minister Mike Eman combersacion cu e candidato pa minister ta hopi importante mirando cu Mike de Meza semper ta un persona cu a entrega su mes na sirbi e pais aki unda cu a pone su companianan dorment desde e momento cu e la bira minister y den tur e anjanan ey e companianan tabata drumi y no tabata funciona. Segun Eman esaki ta un sacrificio hopi grandi cu un persona ta haci na momento cu bira un politico principalmente na momento cu ta trata di companianan cu ta floreciente cu tabata duna servicio na e refineria e tempo ey y asina mes de Meza a scoga pa duna servicio publico, tur e partinan mester pone den contexto y sa con ta trata cu personalidad nan cu ta entrega nan mes na nos comunidad cu ta personanan cu a duna hopi di nan mes pa sirbi Pais Aruba.
Awor lo bay hiba e proceso di combersacion abase di e documentacionnan cu a haya awo y ta importante pa bisa cu ta importante pa sa y mira e esfuerso y e entregamento cu Mike de Meza a haci pa sirbi Pais Aruba. Te ainda no tin unfecha ki dia lo reuni cu Mike de Meza pero ta kere cu ta mas pronto cu ta posibel.
Sinembargo mester ta bon cla cu e proceso den ley ta bon cla y lo sigui cu e proceso manera cu e ta poni den ley. Prome cu a bin serca gobernador den Minister raad a papia riba e topico aki debi cu e ta toke henter e gabinete miranto cu ta papia di un vakature y mester pone un hende eynan y e cantidato minister de Meza na Aruba no tin un hende miho prepara pa e funcion aki y e la prepara su mes tambe pa e cartera aki unda cu ya caba tabatin diferente consehero cu durante di e lunanan a sinta y mira tur e retonan cu tin riba e tereno di infrastructura y tambe e retonan cu tin den e area di energia tambe e refineria y su futuro.
Segun prome minister Mike Eman e echo cu tin falta di un minister cu e caliber ey ta un situacion cu mester soluciona hopi lihe. Tambe den henter e proceso aki no tin fecha ainda, pero e proceso mester cana su caminda mirando cu ta ayera a haya e documentarionan cu ta hopi importante den e proceso aki. Aunke cu prome minister a contesta diferente preguntanan tin algun pregunta cu e mandatario no a contesta prensa riba e caso pa Mike de Meza bira minister.