Alan Howell, parlamentario di POR ta exprsa cu ciudadanonan di San Nicolas ta sumamente disgusta cu e situacion di lusnan riba Bernhardstraat.
Pa hopi tempo caba a bin ta nota cu e lusnan aki no ta funciona. Berdad e aña aki DOW a haci nan maximo esfuerso pa pone algun di nan traha, pero atrobe den corto tempo gran parti di Berhardstraat ta den scuridad atrobe.
Alan ta bisa cu habitantenan di pariba di brug, specialmente di San Nicolas ta sumamente disgusta cu ainda DOW no por trece un solucion pa cu esaki. DOW a bisa den pasado cu mester bay destaho publico y ta compronde cu COVID lo por a trece retraso, pero e ciudadanonan di San Niclas ta exigi pa DOW trece un solucion pa cu e caya aki prome cu aña caba.
Howell, finalisando a indica cu si no por drecha e lusnan aki, ta pidi Prome Minister encarecidamente pa pone palonan di lus di Elmar pa asina por ilumina e caya di Bernhardstraat cu ta den un scuridad enorme. E tin tur confiansa cu Prome Minister lo duna e situacion aki tur e importancia necesario.
