LocalFeatured

AZV ta informa: Ampliacion pakete di AZV cu logopedia

Azv

Organo Ehecutivo AZV ta informa comunidad di Aruba en general, su aseguradonan en particular, cu na e momento aki ta den su fase final di legislacion un concepto di decreto nacional cu ta contene medida general (lbham) pa incorpora logopedia den e pakete di nos seguro AZV.

Na e momentonan aki OE AZV ta realisando e preparacionnan necesario pa por ehecuta e decreto aki. Ta tuma OE AZV maximo 3 luna mas pa por keda cla cu e facetanan pa por implementa e servicio aki den nos organisacion. E facetanan cu ainda mester traha riba nan ta entre otro definicion di e criterianan pa e cuido nobo aki, determinacion di tarifanan aplicabel y algun otro aspectonan cu tin cu determina den maneho.

Pa percura cu durante e tempo cu AZV tin mester pa regla administrativamente y organisatoriamente e ampliacion di pakete aki, AZV tabata den deliberacion den e dianan aki cu e dunadornan di cuido pa determina e mihor forma pa compensa e derecho nobo aki desde e fecha conforme e decreto nacional. Cu e logopedistanan, AZV a palabra un tarifa temporario y a yega na palabracion pa e forma con nan ta declara esaki na AZV. Por lo tanto AZV ta informa su aseguradonan cu for di e fecha cu e derecho aki tin validez, aseguradonan por ricibi e cuido mediante e seguro di AZV. Manera tin extra informacion, OE AZV lo informa.

Related posts

Muchanan a celebra halloween na marketplace

EA News Author

Lo haci encuesta na tur tipo di hogar

EA News Author

SVb ta adapta notificacion AO Online. Dia prome di december SVb ta introduci cambio den procedura di notifica AO Online.

EA News Author

Leave a Comment

Whatsapp Message