Local

Ban yuda hobennan local representa Aruba na Hulanda


ORANJESTAD,Aruba

Fundacion CINEARUBA ta haci un yamada na comunidad y comerciantenan pa yuda cu e desaroyo di talent di nos hobennan. Na maart di e aña aki un grupo di hobennan ta desea di representa Aruba na e competencia internacional di cine na Rotterdam, Hulanda.

E grupo di hobennan aki di cual nan pelicula a sali e miho pelicula di e proyecto di 48 ora organisa pa fundacion CINEARUBA lo bay representa Aruba na e competencia Filmapalooza unda tur pais lo competi contra otro pa e premio maximo cu tambe ta inclui e presentacion final na e prestigioso festival di cine ‘Cannes’ na Francia.

Ademas di e competencia e hobennan di Aruba lo ricibi diferente tayernan di cine, desde e parti tecnico, produccion y e parti empresarial. Un total di 12 tayernan creativo y educativo e hobennan lo por asisti. Den e programa tambe ta inclui un encuentro entre participantenan di Aruba, Bonaire, Corsou y Hulanda. Un encuentro cu diferente topiconan pa debati entre otro con pa reforsa e colaboracion entre e paisnan den reino. Tambe lo tin un presentacion di e peliculanan cortico di tur tres isla pa e publico di Aruba y e otro islanan residencia na Hulanda. Na final e hobennan di Aruba lo realisa conhunto cu esunan di Bonaire y Corsou un bishita na companianan y localidadnan di cine na Hulanda unda cu nan por haya mas informacion y un bista con cine ta wordo haci na Hulanda.

Personanan y companianan cu ta desea di aporta pa haci posibel cu cinco hoben por bay Hulanda na maart por haci un donacion via e portal di paypal: https://bit.ly/38ySTq7 of por haci un donacion directo via banco riba e cuenta di Fundacion CINEARUBA 2585730190 Aruba Bank. Pa mas informacion tocante e fundacion y su proyectonan por bishita e pagina web: www.cinearuba.com.

Related posts

Sternchi Pecho Roos di Maine te Aruba

EA News Author

Hunta di Directiva di Hospital cu entrega oficial na Minister di Salubridad Un documento cu ta representa tur loke ta haci e cuido di Aruba grandi

EA News Author

Parlamento a aproba e ley cu ta aloca 11 miyon florin di Hulanda pa e crisis Venezuela.

EA News Author

Leave a Comment