DeporteFeatured

Bijnan di Dakota cla pa focus riba campeonato di CONCACAF Caribbean Shield Cup

Bijnan Di Dakota Cla Pa Focus Riba Campeonato Di Concacaf Caribbean Shield Cup

Wega di diasabra ultimo tabata uno bunita pa mira , pero na final no a bay mucho bon. Presidente di SV Dakota Gilmar Croes ta duna di conoce un final pa Aruba su division oro cu tabata un wega hopi balansa pero lagando e ultimo parti di e wega cu un poco dolor.

Tur dos team a sa di crea nan hugadanan y den wega di futbol esunnan cu hinca e goal ta gana y den e caso aki Dakota no a hinca e goalnan necesario pa por a titula campeon, esey sigur ta laga Dakota cu un poco di tristesa debi cu no a yega na e meta cu mester a yega, pero si mester evalua SV Dakota ta sumamente orguyoso di su hungadonan cu ta hunga cu respet y cu elegancia pa e fanaticonan mira un futbol bunita y bon mereci, paso ta di esey e ta trata, pone wega riba cancha y no violencia pa dies bin gana.

E hobenan di Dakota a sa di hunga un bunita wega y esaki e respet nan ta gane dimes. Awo cu e wega a pasa ta pusha e boton y ta reset y restart pa cuminsa prepara pa e siguiente campeonato.

Sinembargo no por evita di loke a pasa den parti final, sigur e no ta algo como organisacion di SV Dakota ta aproba of ta sinti orguyoso di dje y na e mes un momento no ta e mensahe cu kier manda tampoco den e mundo di deporte. Pa e motibo aki mes riba medionan social oficial di SV Dakota a pidi disculpa na e fanaticada y na tur esunnan cu ta sostene e organisacion y cu ta yega leu hunto cu SV Dakota. Na mes momento SV Dakota lo tuma e pasonan corecto pa tipo di situacionnan asina no ripiti , pero na mes momento ta kere den formacion pa yuda e hobennan pa evita cu tipo di situacionnan asina mester pasa.

Dakota ta un bario cu a crea deportistanan cu a yega hopi leu den mundo di futbol , pero tambe den otro aspectonan social y deporte. Dakota ta un bario hopi uni y manera tur bario tin cosnan negativo , pero tin cosnan positivo tambe cu Dakota ta crea y cu ta sore halto unda cu hobenan a sa di demostra cu nan ta hiba nomber di nan bario ariba y padilanti cu bon ehempel nan.

No ta desconoci cu Dakota cu RCA ta dos team cu mayoria biaha nan dos ta yega final y ambos a yega di gana otro caba. Dakota y RCA ta e dos team cu a hunga mas final di Aruba su futbol. Den e ultimo 6 aña nan a hunga tres final contra otro unda cu RCA a gana 2 y Dakota a gana 1 , 2016 a hunga contra RCA y a cay cortico, 2022 Dakota a gana RCA y 2023 RCA a gana Dakota. E dos team nan aki tin basta final cu a hunga contra otro durante añanan largo, pero Dakota tin hopi mas final gana compara cu RCA. Si mester mira den historia eventualmente por mira e desaroyo aki , dos team cu un trayecto asina grandi cu historia asina grandi su tras unda cu ta dos team cu ta produci hungado y talento. Tanto RCA y Dakota tin bon formacion den su organisacion. D
Den U 11 plata dakota ta campeon, U13 Plata –Campeon, Un 15 Oro Sub Campeon, U17-Campeon,Dakota Honor –Sub Campeon, sigur weganan cu SV Dakota ta orguyoso di su deportistanan.

Ultimo añanan hopi di e hobennan di Dakota ta hobennan profesional cu a bay biba den exterior y a studia, logra un meta y semper cu nan deporte banda di nan. Tur bario tin su retonan riba e parti social den e bario cu no ta facil , pero Dakota a sa di a sobresali unda cu hobennan mes ta demostra e positivismo y e amor pa nan bario cu hopi respet y esey a keda demostra tambe riba veld y na cada hugada cu ta pone un wega drey riba veld sin violencia sea dal, pusha, pasa dede of crea scenarionan pa evita di crea un bon wega cual cu ta loke ta bin riba veld pa haci.

E bijnan di Dakota ta uni y lo sigui mira padilanti pa siguiente campeonato di CONCACAF Caribbean Shield Cup cu sigur lo pone un bon wega riba veld manera fanaticonan ta spera di nan.

Related posts

No mester di tèst antigéniko pero si tèst di PCR ora ta bini Boneiru for di Kòrsou, Aruba i Sint Maarten

EA News Author

Minister Rocco Tjon: Otro siman lo pone e prome piedra pa stichting hunto

EA News Author

Resultado di e prome dia di e torneo di Beach Tennis Escolar di IBiSA

EA News Author

1 comment

Leave a Comment

Whatsapp Message