Local

Pastor Marcel Balootje: Cada hogar mester di yudansa di Dios

Pastor

Pasobra tur cas ta wordo traha door di un hende, ma Esun cu a traha tur cos ta Dios.( Hebreonan 3:4).

Den e tempo cu nos ta bibando aki, tur cas tin mester di ayudo di Dios, mas cu awa, mas cu lus, mas cu telefon, e presencia di Dios, ta necesario den cada hogar.

Den cada cas y cada bida, tin un bashi cu ta solamente Dios por yena, hopi ta purba yena e bashi cu cos material, cu paranda,y inmoralidad, cu alcohol, pero den tur circumstancia nos por ripara cu no tin nada pa reemplasa Dios den nos bida.

No perde tempo cu deseonan di mundo. pasobra den e cos ey no tin ningun tipo di ganashi, pero di berdad, di berdad, nos mester aplica e Palabra di Dios den nos bida, nos hogar y nos Famia.

Si Señor no traha e cas, envano esnan cu trahe, ta traha y cansa curpa. Si Señor no warda e stad,ta envano e guardia ta keda lanta. ( Salmo 127:1).

Lo mi halsa wowonan na e serunan, for di unda mi yudansa lo bini? Mi yudansa ta bini for di Señor kende a traha cielo y tera.( Salmo 121;1+2).

Cada dia cu nos lanta mainta, nos ta mira cu e direccion cu e sistema di mundo ta bayendo, ta imposibel sigi padilanti sin Dios, pasobra nos no por sera wowo pa e maldad cu ta aumenta, y e meta ta pa destrui hogar, famia y matrimonio.

Nos yuinan mester di Dios den nan bida, y e mayornan cu sa esey ta sclama na Dios, pa nan yuinan, pasobra di berdad e plan di diabel contra hubentud ta teribel.

Nunca antes tabatin un atake asina formal contra famia,matrimonio y e hubentud cu tur clase flecha venenoso, ta reina un insiguridad asina grandi cu ta solamente e presencia di Dios den bo hogar por trece trankilidad.

Esun cu ta biba bao di e proteccion di e Haltisimo, lo permanece den e sombra di e Todopoderoso.Lo mi bisa Señor, Mi refugio y mi forti, mi Dios den kende mi ta confia( Salmo 91:1+2).

Lo bo warda den pas perfecto, esun cu su pensamento ta permanece den bo. Pasobra e ta confia den bo. Confia den Señor pa semper, pasobra den Dios e Señor nos tin un Baranca eterno.( Isaias 26:3-4)

Ta tempo pa sigi Dios y confia den su palabra, no ta tempo pa biba complace hende, y complace tur clase di bagamunderia, cu por presenta, pero wak pa bo cas tin e Structura di Dios, cual ta cuminsa, cu obedencia na Dios, lanta e nivel di respet y moral bek den bo cas, pasobra asina bo hogar por keda para.

Cuanto hende no ta biba den un edificio bunita, pero e amor di hogar ta na suela, e respet no tey, e trankilidad a bandona masha tempo, pa falta di conocemento y temor di Dios.

Un cas yena cu placa, mester bira un hogar, pasobra placa no por cumpra cariño, placa no por cumpra amor, placa no por trece pas, pasobra e pas berdadero ta bini di Dios, y nada por reeemplasa e lugar di Dios den nos hogar y den nos curason.

Si bo pone bo mes disponibel, pa yuda esnan cu tin hamber, y satisface e deseo di esnan cu ta afligi.e ora ey bo lus lo sali den scuridad y bo tiniebla lo bira manera merdia.( Isaias 58:10).

Awor mas cu nunca ta tempo pa cada mayor, bati na porta di Dios pa yudansa, pa asina na para firme, cana firme y biba firme den Señor.

Related posts

Aruba ban hari un poco y apoya awe candidatonan di Prins cu Pancho infantil,hubenil,grandi y adulto

EA News Author

Dos persona deteni pa traficacion di hende

EA News Author

Un tradicion tipico di aña nobo : E documentario ‘Dande di Aruba’ a wordo estrena

EA News Author

1 comment

Leave a Comment

Whatsapp Message