Local

Minister Andin Bikker a entrega mas material na Guarda nos Costa
Dos Pickup Ranger Raptor

Img 20210708 Wa0009 1

Diahuebs mainta Minister di Husticia, Siguridad y Integracion, mr. Andin Bikker a entrega no menos di 2 auto modelo di marca Ford na Guarda nos Costa. Richard Kramers, encarga cu e departamento a tuma e yabi di e mandatario, den presencia di sra. Christina Yrausquin di e agencia di Ford na Aruba.

Minister a entrega dos auto marca Ford modelo Ranger Rapter color preto, cu lo uza pa patruya nos costanan y garantisa cu nos fronteranan ta bon sigura.

E proceso pa adkiri e vehiculonan aki a start na cuminsamento di aña. Door di pandemia a tarda un poco cu e proceso pero finalmente e aprobacion a bin y awo a entrega e autonan. E fondonan pa esaki a bini for di un fondo Presupuestario (Begrotingsfonds) instituí cu ayudo di Gobierno di Hulanda.

Tres departamento, Cuerpo Policial, DIMAS y Guarda nos Costa a uni pa traha hunto den e proyecto aki. Cu e vehiculonan aki por promove mas control riba tera, den areanan cu camindanan ta malo.

E intencion ta pa reenforsa e “Kust surveillance” cu tur e departamentonan envolvi. Ya caba recientemente GNC a haya 2 pickup y 2 auto sedan. Pues e team di GNC ta conta awo den apenas un par di luna cu 6 vehiculo nobo.

A percura tambe pa garantisa cu lo bay mantene y service e vehiculonan regularmente pa mantene nan den optima forma.

Minister Andin Bikker ta orguyoso di por a cumpli cu tur e logronan aki, den cual a gatantisa cambionan di ley, mas personal, mas training, auto y ekiponan necesario pa e departamentonan por eherce nan funcion.

Related posts

drs. Mervin Wyatt-Ras: Mientras casonan di COVID-19 ta aumentando, gobierno nobo ta tuma tempo pa forma

EA News Author

Prome minister y minister di finansas den parlamento pa trata presupuesto supletorio 2023

EA News Author

 drs. Mervin Wyatt-Ras: Pa garantisa democracia ta necesario mas respet di gobierno pa Parlamento

EA News Author

Leave a Comment

Whatsapp Message