Local

Bin disfruta di nos Mercado Santa Rosa

Bin Disfruta Di Nos Mercado Santa Rosa2

Dianan ta serca y preparacion pa nos Mercado Santa Rosa ta andando pa asina nos por acomoda tur esnan cu ta perticipa den nos mercado. Hopi a ta esnan cu ta desea di participa den nos mercado pero pa e biaha aki nos ta purba mantene nos mercado cu productonan di Aruba y mas simpel posibel. Productonan cu den mayoria biaha ta den nos Mercado Santa Rosa so bo ta haya nan. Pesey nos ta hasi un apelacion pa yega trempan pa por difruta di tur locual tin pa ofrece. Claro tin algun producto cu ta limita pesey mester probecha.

Fecha pa e tan afamado Mercado Santa Rosa aki lo ta diadomingo 25 di september venidero aki na Santa Rosa mes cuminsado for di  8’or di mainta te cu 1’or di merdia. Manera ta e gustumber di Mercado Santa Rosa lo bai tin productonan fresco local pa abo por probecha e cumpra na e un bon prijs. Fruta y berdura lo bo haya den nos mercado di cual nos ta enfoca mas. Otro productonan, Pica, Jam, Cos dushi, Productonan natural y asina nos por sigui menciona. 

E ambiente familia nunca no por keda afo y ta den nos mercado so bo por haye.

E costo pa participa den nos mercado ta di AWG 25,-. Percura pabo bin cubo stul y mesa pa acumoda bo mes y bo productonan. Pa no crea hopi sushi nos ta hasi un apelacion tambe pa bin cubo propio cups of beker si bo ta desea di cumpra algo di bebe. Ta consehabel pa bin cubo saco di compras tambe debi cu no lo bai tin saco di plastic mas y tambpoco no ta permiti. 

 Mercado ta wordo organisa parti patras di nos edificio unda nos frutalesnan ta pa asina hacie den un ambiente mas fresco y bunita. Nos a yega di hacie caba na e parti aki y tabata tin bon resultado.

Un apelacion na tur productor local registra y cu por tin productonan fresco sea ta fruta y berdura por tuma contcato cu Departamenteo di Agricultura, Cria y Pesca na tel: 585-8102 pa asina bo tin un lugar sigura pa por ofrece bo productonan na nos bishitantenan riba e dia di mercado.

  Un cordial invitacion na henter pueblo di Aruba pa diadomingo 25 di September venidero Mercado Santa Rosa aki mes na Santa Rosa cuminsando for di mainta te cu merdia. 

Si tin productornan local cu tin fruta y berdura fresco por tuma contacto cu nos na tel: 585-8102 pa asina nos por acomudabo pa bo por bende bo producto.

Dia 25 di september bo tin un cita cu nos pa bishita nos Mercado Santa Rosa y probecha di tur producto fresco.

Bin Disfruta Di Nos Mercado Santa RosaBin Disfruta Di Nos Mercado Santa Rosa3Bin Disfruta Di Nos Mercado Santa Rosa4

Related posts

Corte ta duna Gobierno rason di a reintroduci e Toque de Queda na luna Augustus

EA News Author

Pastor Marcel Balootje: Prepara e tera (bida) pa bo bendicion

EA News Author

IBISA camp 2023 ta pa mucha di edad di 6 pa 12 aña

EA News Author

Leave a Comment

Whatsapp Message