BonairePolicialFeatured

BONEIRO: Entrada hudisial ku detenshon en konekshon ku negoshi di supstansia narkótiko

Foto 1 Huiszoeking Drugshandel

Riba djaluna 3 di yüni, un entrada hudisial a tuma lugá den un kas na Nort’i Saliña. E entrada
hudisial tabata den kuadro di un investigashon di negoshi di supstansianan narkótiko. Relashoná ku e
kaso aki a detené un hòmber di inisial R.A.S.B. di 45 aña di edat. Kachónan di Duana, spesialisá den
lokalisá supstansianan narkótiko, a sostené e entrada hudisial. Durante e entrada hudisial a topa ku
algun artíkulo relevante pa e kaso.
E investigashon penal a kuminsá na 2021 ku datonan ku polis a haña durante un investigashon di
komunikashon ku kua ta hasi uso di mensahenan kodifiká (‘cryptocommunicatie'). For di un análisis di
mensahenan kodifiká i ‘metadata’ a resultá ku kriminalnan tabata hasi uso di telefònnan kodifiká, ku ta
telefònnan ku ta konbertí informashon den teksto kodifiká ku no ta fásil pa lesa. E telefònnan aki ta
legal, pero popular bou di kriminalnan ku inhustamente ta pensa ku no por gara nan. Mientrastantu,
polis huntu ku diferente partner lokal i den eksterior, a desmantelá vários plataforma di komunikashon
kodifiká.
KPCN i Ministerio Públiko ta keda dediká nan mes na e seguridat di nos komunidat i kombatimentu di
krímen organisá. Nos ta enfatisá ku e operashon aki ta solamente un stap den nos afan kontinuo na un
komunidat hustu den kua ta kumpli ku lei i ku ta garantisá seguridat di tur siudadano.

Related posts

Boneiru ta prevení desaster di naturalesa pa medio di esfuerso komun

EA News Author

Secretario General di MEP, Endy Croes: Con Mike Eman por pidi pueblo un voto?

EA News Author

Informashon korekto tokante Visitor Entry Tax

EA News Author

Leave a Comment

Whatsapp Message