Detenshonnan pa manehá bou di influensia
Djárason 11 didesèmber, alrededor di 4 or di mardugá, ‘meldkamer’ sentral a risibí notifikashon tokante un aksidente entre dos outo na altura di e sitio di stashoná outo den ‘centrumgebied’. Na yegada di polis, un di e shofùrnan tabata mustra diferente karakterístika di un persona ku ta bou di influensia di alkohòl. A hasi un tèst di supla ku e shofùr aki i a resultá ku el a konsumí mas alkohòl ku ta permití ora ta manehá un vehíkulo. A detené e dama di inisial B.P. di 20 aña di edat i a hib’é warda di polis pa un análisis di rosea. A konsekuensia di e resultado di esaki el a haña un prohibishon di manehá di 6 ora. E otro shofùr a haña un but pa motibu ku e no por a mustra un prueba di seguro.
Djárason 11 didesèmber, alrededor di 2.55 or di mardugá, un patruya riba Kaya L.D. Gerharts a tuma nota di un skuter ku tres persona, di kua unu tabata sin hèlm, ku tabata bini for di direkshon kontrali. E patruya a disidí pa duna e shofùr señal pa para dor di usa lusnan óptiko i sirena. E shofùr a kumpli ku e señal pa para. Durante kòntròl a duna e pasahero un but pa no tin un hèlm bistí. E dokumentunan di e shofùr tabata na òrdu, pero el a haña un atvertensia pa transportá tres persona riba un skuter. Durante e kombersashon ku e shofùr, e agentenan a tuma nota ku e tabata mustra diferente karakterístika di un persona ku ta bou di influensia di alkohòl. A hasi un tèst di supla kuné i a resultá ku el a konsumí mas alkohòl ku ta permití ora ta manehá un vehíkulo. A detené e dama di inisial K.J.G.O. di 25 aña di edat i a hib’é warda di polis pa un análisis di rosea. A konsekuensia di e resultado di esaki el a haña un prohibishon di manehá di 4 ora.
Djárason 11 di desèmber, alrededor di 1.20 or di mardugá, a detené un hòmber di inisial C.S. di 48 aña di edat riba Kaya Gilberto F. Croes pa manehá bou di influensia di alkohòl. Un patruya a tuma nota di un shofùr ku komportashon di manehá sospechoso riba Kaya Internashonal i seguidamente a disidí pa par’é pa un kòntròl. Ounke e shofùr tabatin un reibeweis i seguro bálido, durante e kombersashon ku e agentenan e tabata mustra diferente karakterístika di un persona ku ta bou di influensia di alkohòl. Durante un tèst di supla ku a hasi ku e sospechoso, a konstatá ku e no por a pasa e tèst, apesar di vários intento. Seguidamente a detené i a hib’é warda di polis pa un análisis di rosea. A konsekuensia di e resultado di esaki el a haña un prohibishon di manehá di 3 ora. Esaki ta e di dos biaha ku ta detené e sospechoso pa manehá bou di influensia di alkohòl.Anteriormente a konfiská su reibeweis pa e mesun echo kastigabel.
Djamars 10 di desèmber, alrededor di 1.20 or di mardugá, a detené un hòmber di inisial N.K.W.v.L. di 19 aña di edatriba Kaya L.D. Gerharts pa manehá bou di influensia di alkohòl. E sospechoso tabata kore riba un skuter i un patruya a par’é pa un kòntròl rutinario.Durante di e kòntròl e agentenan a tuma nota ku e sospechoso tabata mustra diferente karakterístika di un persona ku ta bou di
influensia di alkohòl. A hasi un tèst di supla kuné i a resultá ku el a konsumí mas alkohòl ku ta permití ora ta manehá un vehíkulo. A detené i a hib’é warda di polis pa un análisis di rosea.A konsekuensia di e resultado di esaki el a haña un prohibishon di manehá di 2 ora.
Detenshon pa ladronisia di skuter
Djamars 10 di desèmber, alrededor di 1 or di mèrdia, a detené un yònkuman menor di edat di inisial I.M.L. di 16 aña na warda di polis pa ladronisia i enkubrimentu di un skuter. Empleadonan di un kompania di hür skuter a mira e mucha hòmber riba un skuter ku a wòrdu hòrtá dia 15 di novèmber 2024, na un akomodashon turístiko riba Kaya Gobernador N. Debrot. E empleadonan a par’é pa entregá e skuter, kual e sospechoso akumpli kuné. Polis a pidi’é pa bin warda di polis, i a detené. Investigashon den e kaso ta kontinuá.
Entrada hudisial ku detenshon
Djamars 10 di desèmber, alrededor di 6 or di mainta a tene un entrada hudisial den un kas situá na Kaya Avelino J. (Abechi) Cecilia. E entrada hudisial tabata den kuadro di un investigashon relashoná ku violashon di Lei di Opio BES. A detené un hòmber di inisial H.A.J.K. di 26 aña di edat. Na e adrès a konfiská vários artíkulo relevante pa e investigashon. Investigashon den e kaso ta kontinuá.
Shofùr ta kousa aksidente despues di bira malu
Djamars 10 di desèmber, alrededor di 11.50 or di mainta, ‘meldkamer’ sentral a risibí notifikashon tokante un aksidente riba E.E.G. Bulevar. Na e sitio a resultá ku un outo a bai dal den un otro outo ku tabata stashoná. E shofùr ku a kousa e aksidente a deklará ku durante ku e tabata stür, el a bira malu. Na promé instante e no tabata deseá tratamentu médiko, pero despues el a pidi tòg pa un kòntròl médiko. A hasi un tèst di supla kuné ku un resultado negativo. Dokumentunan di ámbos vehíkulo tabata na òrdu.