E revista Scuba Diving den su edishon di novèmber 2023 a anunsiá resultado di e Readers’ Choice Awards 2024. Den 10 kategoria Boneiru a haña rekonosementu.
Boneiru su reputashon komo paradiso pa sambuyadó ta keda dominá e mundu di buseo. Nos isla a gana 10 diferente premio na e Readers’ Choice Awards 2024, entre otro kuater klasifikashon komo number 1. Pa e di 31 aña konsekutivo Boneiru a sa di mantené su supremasia komo e Shore Diving Destination number 1 den área karibense i atlántiko. Nos isla a logra promé lugá tambe den tres otro kategoria: Best Beginner Diving, Best Underwater Photograph i Best Snorkeling. Mas aleu Boneiru a konkistá un di dos lugá pa Best Macro Life i Best Health of Marine Environment, i un di tres lugá pa Best Overall Destination i Best Advanced Diving.
Boneiru a haña tambe un anotashon di Readers’ Choice pa Best Value i Best Wall Diving.
Ta publiká e Readers’ Choice Awards 2024 riba www.scubadiving.com i den edishon di novèmber 2023 di e revista.