Boneiru a bira kampion den bolas, bula leu i tira bala na Special Olympics Kingdom Games den wikènt tras di lomba. Den diferente di e kompetensianan Aruba a sali na promé lugá. E isla a gana den beisbòl 5, bich vòlibòl, futbòl, frame running, 25 meter landamentu ‘schoolslag’ pa hende muhé i 25 meter landamentu ‘freestyle’ pa hende muhé. Sint Maarten a kaba na promé lugá den 25 meter landamentu ‘schoolslag’ pa hende hòmber i 25 meter landamentu ‘freestyle’ pa hende hòmber. Mas òf ménos 120 atleta for di Aruba, Boneiru, Kòrsou, Saba, Sint Eustatius i Sint Maarten a partisipá na e kompetensianan. E intenshon ta pa organisá Special Olympics Kingdom Games aki dos aña atrobe. No ta konosí ainda na kua isla esaki ta bai tuma lugá. Riba e portrèt por mira e ganadónan i e finalistanan di algun di e kompetensianan. POTRÈT: Skyview
Boneiru kampeon den bolas, bula leu i tira bala na Special Olympics Kingdom Games privá
