Djabièrnè último Wardakosta a haña un notifikashon di haventoren na Fort Nassau kual a indiká ku nan a risibí un yamada di e kapitan di e barku krusero Norwegian Pearl. E kapitan lo a indiká ku un boto lo a senk den bisendario di e barku krusero, pero e kapitan no a duna informashon adishonal di e personanan abordo di e boto ku a senk na haventoren. Mesora RCC a tuma kontakto ku e kaptian pa haña mas informashon tokante e loke a pasa e mainta ei. E kapitan a konta ku nan a mira un boto ku tabata senk net dilanti di e barku Norwegian Pearl i ku e personanan abordo lo a landa bai direkshon di Koredor ku algun ember. RCC a dirigí un patruya di Wardakosta pa bai wak e situashon di e personanan ku tabata na bordo di e boto ku a senk. Na kaminda pa e area di Koredor nan a topa un boto di piskadó ku e dos hòmbernan riba dje. Nan a deklará ku nan tabata piskando riba nan boto ora ku un ola a bin i boltu nan boto kual a kuminsa senk. Nan a disidí di landa pa bai buska yudansa na Koredor komo ku einan tin hopi piskadó, pa yudanan reskatá nan boto ku tabata senk. Na yegada ku yudansa na e lokalidat, nan a nota ku nan boto a senk kompletamente. E dos piskadónan tabata bon i no tabatin mester di asistensha médiko. Nan a sigui den e otro boto bèk direkshon di Koredor.
Boto di piskadó ta senk na Megapier
