Featured Bonaire

Buki Outodeterminashon di Bonaire rechaza, ta pa dokumenta, I konmemora, eventonan ku a okuri entre 2010 I 2020


E obhetivonan principal di e buki aki titula, Outodeterminashon di Bonaire rechaza, ta pa dokumenta, I konmemora, eventonan ku a okuri entre 2010 I 2020 , desishonan, situashonan I akshonan importante ku a kondusi I resulta den e aneksashon illegal di Bonaire, e konsekuensianan di e kambio di status ku a wordu impone riba Bonaire. Ademas e lo pone luz, deshonra I enkapsula e personanan, politikonan, lidernan, tur kos ku a kondusi na e traishon I aneksashon di e piueblo Boneriano na 10 oktober 2010 sigui te ku 10 oktober 2020.

E pueblo di Bonaire nunka skohe pe kambio yama “entidat publiko” o tambe yama “ munisipio special” . Por lo kontrario, e habitantenan di Bonaire ku un NO abrumador a rechaza e status impone riba Bonaire, Saba I Sint Eustatius sin derecho igual den konstitushon Hulandes.

E buki lo revela e atrosidatnan komete kontra nos pueblo, e desigualdat sosial, e opreshon di nos derechonan, e supreshon di nos kultura riba Bonaire. Leynan impone, maneho I regulashonan I impuesto ku a roba nan rekursonan natural di kuminda I sobreviviensa I nan tera I tereno ku nan a hereda I ku empobresa nan. Bonerianonan , awor un poblashon redusi I desplaza, a bira minoria riba nan mes isla den menos ku un dekada.

Ademas e buki lo sumariza e trayektoria di pone Bonaire bek riba e lista di Teritorionan-Sin-Propio-Gobernashon di Nashonan Uni ku a start na 2016 kaminda ku James Finies komo e prome Antiano ku a papia den Komite Spesial di Dekolonisashon. Pasobra historia a mustra ku ta solamente dor ekspone esaki internashonalmente lo por libra nos pueblonan I garantisa e derecho di outodeterminashon na tur e kolonianan Hulandes den Karibe, Sint Eustatius, Saba, Bonaire, Aruba, Curacao I Sint Maarten. Youtube link of trailer-promo: https://youtu.be/dNoiZo_hNbY

James Finies, Nos Ke Boneiru Bek

Related posts

Prome Minister Evelyn Wever-Croes: UNION HISTORICO ENTRE TUR PARTIDO POLITICO DI ARUBA

EA News Author

Aruba tourism authority a lansa pagina adicional riba su website oficial ta brinda bishitantenan e opcion unda lo por haci e test rekeri!

EA News Author

Gezaghèber Rijna i prensa ta palabrá kon komuniká tokante Covid-19

EA News Author

Leave a Comment