Local

Camara di Comercio a tene su “Annual meet the Board networking event”

Camara Di Comercio A Tene Su Annual Meet The Board Networking Event...

Diahuebs, 9 di februari ultimo, Camara di Comercio (KvK) a organisa un networking event unda cu invitadonan por a disfruta di un anochi placentero y cera conoci cu directiva di KvK pa 2023. KvK ta haya importante pa socialisa y mantene contacto cu stakeholders di sector priva y tambe sector publico y alabes probecha e momento pa gradici un y tur pa e bon comunicacion y cooperacion ricibi durante e aña cu ta tras di lomba. Cu un toke carnavalesco den decoracion y setup, a crea un ambiente agradabel cu algo di musica y aperitivo.

Manera ta custumber, e Presidente nobo ta comparti algun palabra cu e publico, y e biaha aki a toca turno na Sr. Gavril Mansur, Presidente nobo eligi pa aña 2023, cual a gradici tur presente pa atende e evento y a comparti su vision y punto di bista di con e lo percura pa hiba maneho durante su temporada como Presidente hunto cu e demas miembronan di directiva. Siendo e organisacion y cuerpo representativo di comercio na Aruba, KvK continuamente ta percura pa fortalece laso cu sector comercial, brindando e apoyo necesario tanto na startups como tambe na negoshinan existente. Pa logra esaki ta sumamente importante pa traha conhuntamente cu partners relevante y mantene e contacto y bon relacion.

Cu introduccion y cambio di cierto leynan KvK lo ta ocupa cu varios tarea pa asina cumpli cu esakinan den un manera structura. Manera a ser anticipa varios luna atras, e ley nobo pa registra e UBO (Ultimate Beneficial Owner) di companianan finalmente a keda introduci desde 1 di januari 2023. Esaki ta un di e tareanan cu KvK ta ocupa cu ne actualmente, hunto cu otro proyectonan plania y metanan desea pa cumpli cu ne, manera mehora y restructura cierto procedura y reglanan anticua y ineficiente cu por perhudica e facilidad di haci negoshi, sin lubida cierto leynan cu mester wordo renoba.

Banda di e tareanan asigna pa ehecuta, KvK lo sigui duna importancia na brinda informacion y guia na su clientenan, entre otro pa medio di organisacion di varios sesion informativo y educativo riba topiconan relevante cu ta mantene e empresario al tanto di aspectonan cu ta importante den e area di business.

Por ultimo, Sr. Mansur a comenta cu tuma accion ta importante y cu palabra mester ta riba e mesun liña cu hecho pasobra na final esaki ta locual cu ta conta y percura pa progreso. Ademas, sector priva y sector publico mester keda traha hunto pa nos por percura pa un economia stabil.

KvK ta gradici su invitadonan pa nan presencia y pa e anochi placentero y ta spera riba un otro aña productivo cu e cooperacion di semper di su stakeholders pa sigui brinda bon servicio y apoyo na su clientenan.

Camara Di Comercio A Tene Su Annual Meet The Board Networking Event0Camara Di Comercio A Tene Su Annual Meet The Board Networking Event

Related posts

Empresanan chikito y mediano ta bin na remarca pa Sosten Financiero di 4000 florin pa kwartaal

EA News Author

Pa prome biaha 4 fundacion di cancer ta uni pa un solo meta

EA News Author

Auto a bay pega den motor di boto na rotonde di Hato

EA News Author

Leave a Comment

Whatsapp Message