Entre dianan 9 te cu 14 di juni 2026 lo tuma lugar na Bogotá, Colombia, e certamen internacional Mini Model of the World, unda representantenan di diferente pais lo competi.
Cas Princesa Aruba a organiza un anochi especial di coronacion na e luhoso residencia di famia Kofi na Piedra Plat, unda famia, amigonan y invitadonan especial a reuni pa celebra e ocasion.
Durante e evento, a corona Ceanne van der Linde como Baby World Aruba 2026. Tambe a corona Jaysi-ann Croes como Teen Model Aruba 2026. Tur dos reina ta forma parti di e grupo Diamond Dance & Modeling.
E ceremonia a wordo conduci pa maestro di ceremonia Addonsito Croes, mientras cu e fotografia oficial tabata den man di Alwin di Zoom Aruba.
Presente durante e anochi tabata e reinanan di Miss Youth Aruba 2025 y 2026, bou guia di Robin Croes, mescos cu varios ex reinanan y reinanan actual di Cas Princesa Aruba, cu a bin mustra nan apoyo.
E dos reinanan lo biaha na principio di juni pa Bogotá, Colombia, unda nan lo participa den un programa extenso como parti di nan representacion den e certamen internacional.
E comision di Cas Princesa Aruba, bou liderato di juffrouw Jessica Anthonij, ta expresa nan sincero agradecimento na tur persona y organizacion cu a contribui na e coronacion, y ta desea e dos reinanan hopi exito den nan participacion.
Pa mas informacion, interesadonan por bishita e pagina oficial di Cas Princesa Aruba riba Facebook of Instagram.
