A adopta e presupuesto pa 2025 di Sint Eustatius na tempo, y e ta mustra un
surplus. Cu esaki lo por compensa resultadonan negativo inespera. Ainda mester dedica
atencion na maneho financiero. Cft a pidi Entidad Publico pa duna mas claridad tocante di e
presupuesto, y a papia cu Colegio Ehecutivo tocante di e pasonan cu mester duna pa obtene
un declaracion aprobatorio di auditor mas pronto posibel.
Presupuesto pa 2024 y 2025
A adopta e presupuesto pa 2025 riba 31 di october 2024. Cft a constata cu a implementa mayor parti di
su recomendacionnan tocante di e proyecto presupuestario pa 2025, y el a remiti e presupuesto na e
Secretario di Estado di Asuntonan Interior y Relacionnan den Reino pa aprobacion. Cu e surplus estima
di USD 2,1 miyon na 2024, por lo pronto Entidad Publico ta cumpli cu su obligacion di compensa e deficit
di 2023. Tambe pa 2025 a estima un surplus (USD 1,9 miyon).
Maneho financiero
Sint Eustatius ta trahando riba mehoracion di maneho financiero. Tocante di e cuenta anual di 2023, e
auditor externo a bolbe declara cu e ta abstene di duna opinion. A pesar di esaki, tanto auditor como Cft
ta constata cu si tin mehoracion den maneho financiero. Control interno ta un punto di atencion
importante. Cft a papia cu Colegio Ehecutivo tocante di e pasonan cu mester duna pa obtene un
declaracion aprobatorio di auditor mas pronto posibel.
Clima y energia
E delegacion di Cft a presencia Statia Day y a bishita STUCO solar park. E delegacion tambe a bishita
Sint Eustatius National Parks (STENAPA).
Cft: Ta importante pa duna e siguiente pasonan den maneho financiero
