Dia 10 di juni a celebra dia nacional di Portugal y Diasabra ultimo 14 di juni e comunidad Portugues na Aruba a celebra e show cultura Portugues. Luna di Juni ta dianan di celebracion y corda historia na unda cu ta recorda cu nan a yega Aruba y haci Aruba nan cas. Na mes momento ta keda recorda nan cultura cu ta yena di bailenan, musica,canto y hasta poesia tradicional. No ta desconoci cu e cultura Portugues ta uno fuerte na Aruba pero semper cu respet, generacion pa generacionnan a bin Aruba pero a sa di respeta, biba y brasa Aruba como nan cas. Un ehempel sigur pa otro culturanan por sigui.
