Local

Contracto cu dentista Harold Hagens ta termina

79732860 10159025102738356 7537187508740685824 N

ORANJESTAD,Aruba

AZV ta informa tur asegurado inscribi cerca dentista Harold Hagens cu riba 22 di april 2020 e
contracto entre AZV y dentista Harold Hagens ta termina. Tur tratamento actual por wordo
completa, con tal esaki keda cla prome cu 22 di april 2020. AZV ta gradici dentista Harold Hagens
pa tur e añanan di servicio y cuido na e aseguradonan di AZV.
Traspaso automatico
Pa e continuacion di cuido dental, AZV a haci un traspaso automatico y tur asegurado inscribi
cerca dentista Harold Hagens ta pasa awor pa dentista Amanda (Mandy) Hagens. Dentista
Amanda (Mandy) Hagens lo duna servicio na mesun adres, esta Tanki Flip 12. Number di telefon
ta keda mescos.
Dentista Amanda Hagens
Dentista Amanda (Mandy) Hagens tin 34 aña y a studia na Radboud Universiteit Nijmegen,
Hulanda. E tin 8 aña di experiencia como dentista. Despues di finalisa su estudio, el a keda na
Hulanda pa haya experiencia y pa sigui desaroya su mes siguiendo diferente curso y
entrenamiento. Desde januari 2015 e tin su propio oficina di dentista na Amstelveen. Esaki den
poco tempo a crece exitosamente. Dentista Amanda (Mandy) Hagens a specialisa su mes den
implantologia, odontologia estetico y trabou di kroon y brug. Adicionalmente e ta haci tur tipo di
tratamento dental regular. E tin experiencia amplio cu tratamento di pashent cu tin miedo y
mucha. Su pashentnan a dun’e e nomber di “de lieve tandarts”. Dentista Amanda (Mandy)
Hagens ta papia e idiomanan Papiamento, Hulandes y Ingles.
Servicio
Manera cu e COVID-19 ta tras di lomba y e ‘lockdown’ keda aboli, e oficina lo keda
completamente renoba cu e aparatonan di mas moderno. Lo digitalisa tur cos y lo comunica mas
cu pashentnan e.o pa medio di confirmacion di cita via email. Dental Clinic Hagens ta pone
calidad na prome luga y ta haci uzo di e tecnicanan di mas moderno incluyendo e miho
materialnan cu tin. Ta percura pa duna e cliente servicio di calidad halto.
Desacuerdo cu e traspaso automatico
Den caso cu bo persona no ta di acuerdo cu e traspaso automatico, e ora por scoge pa otro
dentista. Bo ta bay riba e website www.azv.aw y ta yena e formulario di cambio di dentista . Ora
bo ta cla, manda e formulario na klantenservice@uoazv.aw Si ta desea di wak e cambio, por
download e AZV Aruba App den Google Play of App Store pa asina registra pa e digi-ZorgPas y
wak e nomber di e dentista nobo.

79732860 10159025102738356 7537187508740685824 N

Related posts

Richard Arends (AVP): Codigo civil nobo ta un stap grandi pa inclusion riba tur tereno

EA News Author

Pastor Marcel Balootje: Por fabor, hende mester corda cu buracheria ta pica

EA News Author

Drumi suficiente ta hopi importante pa mucha y hobennan

EA News Author

Leave a Comment

Whatsapp Message