Politica

Parlamentario Endy Croes: Durante reunion di CITGO A entrega un mocion pa RDA bin duna cuenta riba 21 miyon firma pa Richard Arends


ORANJESTAD,Aruba

Parlamentario Endy Croes a amplia riba e reunion publico cu tabata tin diahuebs ultimo riba e tema CITGO unda Parlamento na final di e reunion a aproba e Ley unda a apodera 3 Ministers esta Minister Presidente, Minister di Financien y Minister di Infrastructura pa firma e Termination Agreement cu CITGO y asina caba tur relacion legalmente cu CITGO.

Durante e reunion e contracto a wordo cuestiona fuertemente: 

E debate tabata uno fuerte unda constantemente e miembronan di oposicion NO tabata duna cara den sala di Parlamento y no a pidi ni un solo persoonlijk feit aunke nan nomber tabata wordo menciona constantemente pa miembronan di Coalision. Tabata cay acusacionnan fuerte den sala pero nada a “trigger” miembronan di AVP pa purba defende e contracto cu nan mes a firma 10 di Juni 2016, manera cu si nan ta purba hasi den prensa. Lokual a resalta durante henter e reunion cu den e Memorie van Toelichting di e Ley di 29 di September 2016 Mike & Mike a gaba y alaba CITGO Petroleum Corporation desde artikel 1 te cu 10. A negosha cu Citgo Petroluem Corporation desde 2015 y ta CITGO Petroleum Corporation practikamente a hasi tur cos. Pero den artikel 11 di e mesun Memorie van Toelichting di e Ley Gobierno di AVP mes ta splika cu dia a jega pa firma e contracto nan a firma cu CITGO Aruba Holding LCC un compania ( di Aruba) lanta den pura na Delaware USA cual no a wordo inscribi na Kamer van Koophandel na Aruba y pues Bo no por mira kende ta e acionistanan. Alaves Gobierno a firma cu CITGO Aruba Refinery N.V. y CITGO Aruba Terminal N.V. Otro dos compania lanta cu solamente 50 mil florin cada uno como maatschappelijk geplaats kapital pa rond un refineria y terminal di miyones. CITGO Aruba Holding LCC a bira e directeur di e otro dos CITGO nan local. Esun cu Mike Eman y Mike de Meza a negosha semper cune esta CITGO Petroleum Coproration ( Housten) pues esun cu nan ta grita awe cu tin plaka, nan mes NUNKA a firma cune. Finalmente CITGO Petroleum Corporation ( esun cu plaka) a firma un Service Agreement pa bira un Manager sin ningun responsabilidad y obligacion pa cualkier incumplimento. Su tarea solamente ta cu e por saca “mamagement fee” ,asha halto na un forma legal for di e (3) CITGO Aruba nan. Pues CITGO Petroleum Corporation ( esun cu plaka) a keda legalmente den e construcion aki  “Untouchable”. Durante 12 ora di debate diahuebs ultimo ningun miembro di oposicion por a contesta esaki y tampoko a reaciona riba esaki. Hopi tristo!

Parlamentario Endy Croes sosteni pa henter Coalision a presenta un Mocion:

Durante e debate di diahuebs ultimo Coalision a entrega 3 mocion. Uno di POR alrespecto ley di medio ambiente cual a wordo aproba 11-8, RED a presenta un mocion alrespecto pa gobierno tene na cuenta cu ley di medio ambiente den futuro momento negosha cualkier contracto pa cu posibel re-apertura di refineria cual a pasa 18-1.Mike de Meza so a vota contra. Alaves Endy Croes den nomber di Fraccion di MEP a entrega un mocion urgiendo Gobierno cu dentro di 4 siman RDA lo mester bin Parlamento pa amplia riba e investigacion forensico cu a tuma lugar den RDA di cual a bin sali na kla cu 21 miyon florin a wordo malgasta na fiestanan y subsidionan na tur sorto di cos cu no tin di haber cu Refineria. E mocion a wordo aproba 11-8 puesa atrobe AVP a bay contra. Den e “bobbo list” aki por tuma nota di por ehempel Horizon Consultancy di Richard Arends, Kantoor di Abogado Sjiemfat himself, Theragroup di Patrick Paskel y Speed, (3) fiesta di apertura di cual nunka e refeneria a habri y un di e fiestanan tabata cu DESTRA cual a gasta e anochi ey so 1 miyon florin. Asina tin masha hopi gastonan no relaciona na Refeneria cu probablemente ta gastonan hasi “onrechtmatig “ y no ta “match” e doelmnatigheid como gastonan di un refineria. Por a compronde cu mayoria pagonan tin sea firma of approval di Richard Arends. Pues Parlamento lo ricibi un “uiteenzetting” di RDA alrespecto e investigacion forensico y di acuerdo cu e mocion lo urgi RDA pa entrega kehonan oficial pa esnan cu a permiti y of coopera pa esakinan por responsabilisa nan mes.   

Related posts

Parlamentario Ryçond Santos do Nascimento a haci peticion pa ricibi diferente documento

EA News Author

Minister Andin Bikker a presenta e unidad di control di cacho

EA News Author

Parlamentario Darlaine Guedez-Erasmus (MEP): Como parlamentario mi prioridad ta mira e bienestar di pueblo

EA News Author

Leave a Comment