Despues cu aña pasa Departamento di Agricultura, Cria y Pesca Santa Rosa a bin na e idea pa cuminsa cu algo chikito pa nos productornan local cu a resulta den un Pop-Up Market exitoso. Awor nos ta cla pa continua cu esaki den luna di maart venidero.
Hopi ta esnan cu a haya e idea aki uno interesante y sigur a wordo sosteni pa nos bishtantenan mirando e acogida cu esaki a haya durante 2023. Hopi ta esnan cu a encanta e idea pa motibo cu eta den un escala mas chikito y ta duna e oportuninda na e clientela pa mira y probecha di un of otro producto fresco mas fasil. Sin mucho molester por yega cumpra y sigui cu otro compromisonan. Ta simplemente un cantidad di 15 productor local cu tin un of otro producto fresco na e momento ey por yega na remarke den nos Pop-Up Market. Claro nos kier tene den un escala mas chikito pa asina facilita tur nos bishitantenan y sigur tambe e productor por sali mas fasil for di nan producto fresco cunan tin na e momento ey pa ofrece.
Faltando apenas un luna pa nos Pop-Up Market cu lo ta planea pa tuma lugar riba diasabra dia 2 di maart venidero.
Nos ta haci e siguiente apelacion dado caso cubo tin producto freco pa e fecha menciona por tuma contacto cu nos departamento na 585-8102 pa asina reserva bo lugar y pa nos por ta na altura kico ta e producto cubo ta bai ofrece pa e Pop-Up Market. Nos ta desea pa por tin un variedad di producto produci localmente pa ofrece nos bishitanan riba e dia aki. Orario lo ta for di 8’or di te cu 11’or di mainta caminda Aruba completo por bishita y hasi nan compras riba e diasabra aki.
Nos ta invita e pueblo di Aruba pa marca e fecha aki cu ta diasabra 2 di maart pa bishita nos Pop-Up Market y disfruta haciendo bo compras di e productonan fresco cu lo bai tin pa ofrece aki mes na Santa Rosa.
Nos Pop-Up Market lo ta fasil, conviniente y rapido.
Bishita nos prome Pop Up Market pa e aña aki y comproba pabo mes.
