FeaturedLocal

Curso Instructor Asistente di Landamento

98186880 1328508317346204 8867446872969576448 N

Aruba Aquatics Federation (AAF) ta anuncia cu recientemente a cuminsa cu un curso pa Instructor Asistente di Landamento Elemental.

Banda di e cursonan existente di Instructor di landamento nivel A y nivel B awo AAF, pa prome biaha, ta ofrece tambe e curso pa Instructor Asistente di Landamento Elemental.

E curso aki ta prepara e cursista pa bira un Instructor Asistente di Landamento Elemental pa asina e por yuda e instructor y e muchanan mas miho y cu debido conocimento di e tecnicanan y teorianan di landamento elemental.

E diploma di Instructor Asistente Elemental tambe lo duna oportunidad pa despues haci e curso di Instructor di Landamento Nivel A y mas despues tambe Nivel B.

E curso aki ta ensera un parti teoretico y tambe un parti practico den cual e cursista ta haya amplio guya personal y individual di su mentor.

E lesnan di teoria ta tuma lugar desde 16 di januari 2024 den sala di Stichting Sportsubsidie Aruba (SSA) den Entertainment Center (diamars 7:00 pm – 9:30 pm) mientras e lesnan practico ta tuma lugar desde 20 di januari 2024 den Community Pool San Nicolaas (diasabra 3:30 pm – 5:30 pm)

E curso ta clausura na juni 2024 cu un examen final y esnan cu completa e curso cu exito ta ricibi un diploma reconoci pa AAF.

Edad minimo pa participa na e curso aki ta 14 aña y inscripcion ta awg. 450.00. Pero AAF ta ofrece oportunidad un areglo di paga.

Mirando e importancia di e curso y e interes cu tin, AAF ta informa cu a extende e periodo di inscripcion ta posibel pa asina duna mas interesadonan oportunidad pa inscribi y participa na e curso aki.

Pa mas informacion por tuma contacto cu: president@arubaaquatics.org of e coordinador di e curso na celular 594-8646.

Related posts

LEO Club Aruba cu projecto pa nos animalnan

EA News Author

Adaptacion of extension di cita den cuadro di distancia social

EA News Author

Minister Gerlien Croes entre populismo y un futuro politico incierto pa Aruba

EA News Author

Leave a Comment

Whatsapp Message