SocialFeaturedLocal

Curso skirbimento creativo cu autor local, Vi Frank jr.

Biblioteca Nacional

Biblioteca Nacional Aruba ta ofrece un curso cortico di skirbimento creativo na november. Docente di curso ta autor local, sr. Vi Frank jr. E curso ta dos biaha pa siman y lo dura un luna. E curso aki ta tuma lugar na biblioteca na Playa y ta pa adulto. Instruccion ta na Papiamento. E curso ta costa 135 florin pa persona.

E curso ta cuminsa dialuna, dia 1 di november y ta sigui dianan 3, 8, 10, 15, 17, 22 y 24 di november. Tur sesion ta di 5or pa 7or di atardi. Registracion por via info@bibliotecanacional.aw prome cu diaranson dia 27 di oktober 2021 of por yama # 528 1504. 

Esaki ta interesante pa tur esnan cu ta gusta skirbi ficcion y ta desea di experimenta, haya inspiracion y feedback. Participantenan ta skirbi den idioma di nan escohencia y por haci esaki den cualkier genero di nan escohencia. Participantenan ta haya tarea pa traha ariba den weekend y pa practica.

Sr. Vivienno Frank jr. a publica 2 buki y actualmente ta trahando riba un di tres publicacion. ‘Damnatio ad bestias’ (2020) y tambe Outpost Alto Vista and other cosmic horrors from Aruba (2020).  Tur dos buki miembronan por fia na biblioteca y nan ta obtenibel na libreria local tambe pa cumpra. 

Related posts

Prome Minister Evelyn Wever-Croes: Gobierno hunto cu departamento di recurso humano, a introduci Land Academy Aruba

EA News Author

Artista Che Diaz y imitado di Karol G pa concierto na Villa Floralina diadomingo awo poni bek den avion rumbo Colombia

EA News Author

Gabinete wever – croes realisando diferente proyecto di vivienda a traves di fcca

EA News Author

Leave a Comment

Whatsapp Message