Coordinador di futbol damas AVB Dayane Wiersma ta kere cu aña 2022 ta bay ta un miho aña pa futbol damas na Aruba y internacional. Segun Wierma tin dos categoria cu ta e damas adultona y e seleccion U15 cu ta e dos team nan cu ta mas activo. Den 2022 lo sigui trata duro pa forma un academia mas di un otro nivel pa esunnan cu tin cu bay competi aki dos aña den Caribbean Football Union (CFU) cu Aruba a caba di gana. Aruba mester ta cla pa asina bay representa y ta trahando riba e team aki pa cuminsa train pa ta cla na momento cu e competencia mester tuma luga aki 2 aña.
Sinembargo pa e luna aki e team adulto lo bay participa den e Concacaf womans Championship pero tambe a busca hungadonan di afo pa reforsa e team di Aruba. E team di adulto den luna di februari y april tin compromisonan cu AVB pa asina representa Aruba. Tambe na augustus 2022 tin e seleccion di U 14 cu ta bay participa den Concacaf Woman under -15, coordinadoor di futobol damas Aruba Dayane Wiersma ta duna di conoce.
Tambe actualmente ta sigui mira con por logra haya diferente oportunidadnan pa forma diferente weganan cu team nan di afo pa por team y pa e damanan keda activo den nan deporte. Lo trata di drenta scol pa cuminsa hinca e deseo di e deporte den e muchanan y asina AVB ta haya mas mucha cu ta interesa den e deporte. Segun Wiersma mas tempran e mucha cuminsa train mas miho deportista e ta bira den su tereno y mas hoben den futuro AVB por haya pa traha seleccionnan pa representa Aruba den exterior. Loke ta un realidad den seleccion di dama ta cu ta perde e deportista hopi mas lihe cu un deportista di futobol homber, mirando cu sea nan ta bira mama of nan ta bay studia den exterior.
Un mucha homber ta bira tata pero e ta sigui train, pero e mucha muhe ta bira mama e ta bin cu su responsabilidad nan y aki hopi biaha nan ta sali afo. Desde september ultimo e seleccion di damas ta train pa por competi februari 2022. E training ta 4 bes pa siman pero na momento cu competencianan a cuminsa Aruba no tin e espacio suficiente y esaki ta haci mas dificil pero a sigui train 3 bes pa siman, esnan under -15 ta train 2 biaha pa siman y tambe nan tin un wega entre e mucha homber nan den AVB pa asina hunto nan train. Practicamente por bisa cu henter siman nan ta train sea ta cu nan club of academia.
Den e training nan por mira e team ta mas serio y nan ta dedica nan mes na e weganan y training nan, esaki sigur ta ilustra bao di e deportistanan. aunke cu pa e damanan hopi biaha ta mas dificil mirando e responsabilidad cu nan tin na cas cu nan famia y of yiu, pero cada un di nan ta pone di nan banda y ta haci posibel cu e team ta uno fuerte cu por representa Aruba den e compromisonan cu tin venidero.
E speransa ta cu na momento cu bay competi otro luna lo por bin cu un bon resultado pa Aruba, si mester empata mes ta un logro, pero e meta ta pa gana y saca e nomber di Aruba na halto manera a haci ultimo na Sto Domingo.
