Organisacionnan laboral expresa preocupacion riba motivacion nan financiero tras di aceptacion di Rijkswet HOFA
Sindicatonan uni a expresa un posicion firme tocante e derecho di autodeterminacion, indicando cu esaki no mester ni por ta suheto na negociacion, independientemente di circunstancianan existente.
Durante un declaracion reciente, representantenan di sindicatonan a enfatisa cu e principio di autodeterminacion ta fundamental y no por wordo intercambia pa otro interesnan, incluyendo consideracion nan financiero.
Ademas, sindicatonan a tuma nota di e hustificacion presenta door di Gobierno di AVP–FUTURO pa acepta e Rijkswet HOFA, cual ta wordo presenta como un paso importante pa stabilidad economico. Sinembargo, den bista di e movemento sindical, hopi di e argumentonan presenta tin un base principalmente financiero.
Segun e posicion oficial di sindicatonan uni, un situacion of posicion financiero no por sirbi como un medio pa sacrifica ni limita e derecho di un pueblo pa autodeterminacion. Nan ta subraya cu e principio aki tin un balor fundamental cu ta bay mas aya di consideracion nan economico.