Pueblo di Aruba ta conoci di ta un pueblo hopi solidario,DAS a tuma nota di e situacion cu ta pasando unda cu un famia a perde cas. E comunidad a demostra cu nan t’ey pa duna un man y yuda den e momentonan cu mas e famia aki tin mester. Sinembargo e canal miho pa cana ta pa pidi ayudo y guia na departamento di Asuntonan Social.
Vocero di DAS Jesseline Soto Garcia ta duna di conoce cu Departamento di Asuntonan Social tin un seccion special di guia social cu ta e seccion cu ta consisti di e trahadonan social , trahado pa hubentud, trahado pa bienestar cu normalmente ta keda acerca dor di e famia mes cu ta den problema of necesidad den casonan na momento cu situacionnan lamentabel pasa.
