KRALENDIJK, Bonaire
Den e dianan benidero ta inventarisá kuantu residente di Boneiru ta den eksterior, moda ku por brinda ayudo adekuá. Antisipando riba esaki, Gezaghebber, despues di a reuní ku Tim di Maneho Insular, EBT, i despues di a haña konseho di eksperto, entre otro dòkter, a disidí pa no repatriá residente te 7 di aprel.
Awe a hasi un eksephon grandi ora a trese un grupo di residente bèk di Colombia, pasobra ta bai será tráfiko aéreo. Banda di esei no tin sentido pa pone peso riba kuido na Colombia ku kasonan di pashènt ku a terminá nan tratamentu. A skrin e pasaheronan promé ku nan a sali pa wak si nan tin vírùs di corona. Despues ku nan a yega a bolbe skrin nan i nan a bai den karentena nan mes.
Gezaghebber i su tim ta komprondé ku e desishon pa warda ku repatriashon por ta duru pa e bonerianonan ku ta pegá den eksterior. Pero den e tempunan turbulento akí ta importante pa tuma e medidanan di prekoushon adekuá ora ta trata seguridat di e isla. E hendenan na Boneiru tambe a haña nan mes enfrentá ku medidanan ku ta limitá nan i ku tin konsekuensia enorme. Kada hende ta kontribuí na su manera na seguridat na Boneiru.
Promé ku 7 di aprel lo konsiderá di nobo si por bai repatriá òf ku si mester di otro medida di ayudo.
