Local

Despues di 3 aña, e job fair FRED Expo ta bek!


Y hopi ta conento cu e hecho aki. Dia 29 di oktober FRED Expo ta bolbe tuma luga na Rotterdam despues di un ausencia di 3 aña pa motibonan cu nos tur conose, e pandemia. Awo cu por atrobe, e meeting point fisico den forma di un job fair por tuma luga manera cu ta custumbra.
Cu patronisador principal Maduro & Curiel’s Bank (MCB) Group, e organisadornan ta priminti di trese dilanti un programa yena cu no solamente organisacionnan participando cu nan booth, pero tambe un programa cu diferente oradornan, panelistanan, workshops y presentacionnan pa studiantenan y professionalnan na Hulanda.
Mas cu 25 compania y organisacion di e islanan Caribe Hulandes, for di sectornan financiero, hotelero, medico, IT, huridico, y logistico ta hasiendo e biahe pa Hulanda pa recruit talentonan pa añadi na nan ekiponan local. MCB Group lo ta presente cu representantenan di Caribbean Mercantile Bank, Maduro & Curiel’s Bank y Windward Islands Bank.
“E meta principal ta keda mesun cos cu semper,” co-organisador Tristan Every ta menciona, “pa sigui crea un luga fisico caminda dunado di trabao di e islanan por topa y conose buscadonan di trabao na Hulanda y asina sigui combati e brain drain cu e islanan conose pa añanan largo.”
Co-organisador Quincy Sintiago ta añadi: “Human interaction ta un yabi clave den atrae talentonan. E hecho cu por duna otro un man, mira otro den wowo y sinti otro su vibra, den mayoria caso ta e factornan determinante pa convence otro cu ta un match.”
FRED Expo ta tuma luga dia 29 di oktober na WTC Rotterdam. Pa mas infomarcion por bishita www.fredexpo.com of por tuma contacto cu e organisadornan via fred@cr38te.com.

Related posts

Minister Endy Croes a bishita Fundacion Fe, Aperansa & Amor

EA News Author

Waf’i Rancho: Un discusion sin sentido

EA News Author

Pronostico di Tempo pa Aruba valido te diahuebs 19 di November 2020

EA News Author

Leave a Comment