Dialuana mainta rond di 9:30 di mainta polis a bay pura e rotonde di Sero Tijshi cu ta bay pa DTI, unda cu un auto a bolter.
Na yegada di polis nan ta topa cu un Kia Sportage V-19 di Avis, cu a bay cay leu den e mondi. E caminda aki, pues di rotonde Sero Tijshi pa DTI fácilmente bo ta acelera cu bo auto y si bo no pone atencion bo por accidenta.
Parse cu e vehiculo aki tabata coriendo na e parti robes di caminda momento cu e perde control kita bay na su man drechi bolter bay cay den mondi.
Ambulance a presenta y Paramediconan a opta pa bay cu e chauffeur Hospital pa atencion medico mas avansa.
