ORANJESTAD, Aruba
Teniendo na cuente e aumento drastico di casonan positivo di COVID 19 den nos comunidad,
Directie Scheepvaart Aruba (DSA) ta haci peticion na tur doño di bot local cu tin inspeccion di boto pendiente, pa tene cuenta cu e normal nobo y protocolnan di DVG pa cu prevencion di COVID 19.
Bienestar di bo salud y di nos inspectornan ta hopi importante. Directie Scheepvaart Aruba (DSA) ta implementa e protocol cu na momento cu inspectornan efectua un inspeccion di boto, pa mantene un distancia fisico di por lo menos 1,5 meter, como tambe tur otro protocol delinea pa e DVG pa cu prevencion di COVID 19.
Tambe ta notifica cu Directie Scheepvaart lo duna servicio na publico, incluyendo inspeccion di boto, di dialuna te cu diabierna for di 8’or y te cu 12’or di merdia, te proximo aviso.
Directie Scheepvaart Aruba (DSA) ta conta cu cooperacion di un y tur pa asina garantisa e salud y proteccion di nos comunidad y inspectornan.