Directora di Gabinete di Aruba Joselin Croes LL.M./M.sc a firma awe diamars 15 di April e registro di condolencia na e embahada di Republica Dominicano na Den Haag. E embahada a habri un registro di condolencia pa e victimanan di e tragedia na e club nocturno Jet Set na Santo Domingo.
Señora Croes a expresa den nomber di Gabinete di Minister Plenipotenciario di Aruba su mas sincero palabranan di pesame pa e perdida grandi aki. E tragedia aki no solamente tabata tin un impacto grandi na Republica Dominicano, pero tambe na resto di mundo. E pueblo di Aruba tin e victimanan den nan oracion, tabata palabranan di Directora di Gabinete di Aruba Joselin Croes den e registro di condolencia.
E potret ta cortesia di Arubahuis