PoliticaFeatured

Minister Geoffrey Wever: Curso Finansas den mi Hogar a start pa San Nicolas

Minister Geoffrey Wever 4

Despues di e prome curso exitoso na Paradera, e curso Finansas den mi Hogar organisa pa Minister Geoffrey Wever hunto cu Fundacion Plan di Bida a start den districto di San Nicolas. E curso tin como meta pa brinda nos hendenan guia y conocemento cu por yuda pa tuma decisionan financiero cu ta beneficia nan bienestar.

Na Aruba 3 di 10 hogar ta gasta mas di nan entrada tur luna segun sondeo di Banco Central di Aruba. E desaroyo aki ta uno preocupante pasobra e ta indica cu cada luna ta un reto pa hogarnan cumpli cu tur necesidad y responsabilidadnan financiero manera entre gasto pa vivienda, cuminda, y prestamonan personal. Como consumidor ta importante pa sa ki impacto cada decision financiero tin riba nos cartera y nos hogar.

Meta di e proyecto ta pa nos hendenan ricibi guia y conocemento cu por yuda tuma decisionan financiero cu ta beneficia su bienestar, den tur districto di Aruba y awor den districto di San Nicolas.

Den e prome sesion a enfoca riba con por ta efectivo den cas door di wak con por spaar y cumpra sin emocion. Cu subida di prijsnan internacional di productonan cu ta afecta e prijsnan di nos productonan ta importante cumpra consciente y crea e espacio pa spaar aunke ta un tiki. 

Minister Geoffrey Wever ta contento di por ofrece e curso aki na nos ciudadonan y ta desea tur cursista hopi exito durante e diferente sesionan cu lo trata topiconan cu lo contribui sin duda na un maneho responsabel di nos cartera. E curso ta completamente financia door di minister di Economia.

Related posts

RAFT y COHO a keda firma bao di un presion enorme di Hulanda

EA News Author

Politiconan cu capricho personal ta laga aruba cay y kier pa cobra Aruba interes

EA News Author

Sindicato SPA ta habri pa minister yega warda y mira pa su mes

EA News Author

Leave a Comment

Whatsapp Message