CuracaoFeaturedInternacional

Djadumingu 21 di febrüari mainta despues di un bendishon di áwaseru, Kousa Promé a subi su fli “Kòrsou”

Fli Ku Teksto I Korsou

KP a skohe fli ku ta parti esensial di kultura di kuaresma komo maskota pa su proseso di konsientisashon pa elekshon di 19 di mart próksimo. Den e temporada aki artesanonan ta laga nan fantasia traha pa realisá nan kreashonnan pa amante i muchanan dibertí i manda laira. Promé ku e fli mayó “Kòrsou” a bai laira KP a subi 6 fli di un meter di grandura pa habri kaminda pa e fli mayó. Nan tabata fli patriotismo, fli papiamentu lenga di resistensia, fli kuminda di propio suela, fli Integridat, fli Yu-di-Kòrsou Nobo, fli Outonomia Real,

Despues a sigui 2 fli blou, hel ku blanku simbolisando bandera di Kòrsou. Finalmente “Korsou” mes a bai laira ku kompaño di e dos flinan bandera.

Ku kanto di himno di Korsou e fli “Kòrsou” a kana subi shelu blou di dushi Korsou. Tabata reina un ambiente familiar i patriótiko masha dushi i ameno na Brievengat pabou di SDK.

Kousa a tuma su tempu i dedikashon pa den tur trankilidat elaborá i subi su flinan pa anunsiá su presensia viktorioso. Meskos ku nos a studia pa después elaborá nos plan stratégiko pa Kòrsou asina nos a dediká ora i dianan balioso pa e kareda final dia 19 di mart. Kousa Promé ke mira Kòrsou den laira i pa medio di su flinan e ke simbolisá su deseo i su lucha. E fli ta un antesedente un preludio di Kòrsou su futuro: Kòrsou den laira pasobra Por Otro.

Ku e akto di traha i subí fli Kousa Promé kier enfatisá algun aspekto sumamente importante manera importansia pa profilá salí di propio kultura, traha huntu, traha ku spesialistanan yu di Kòrsou konosedó di materia, Kousa Promé a hasi uzo di kreatividat, forsa humano i forsa di palabra pa konsientisá pueblo i na mes momento ta stimulá un parti di nos kultura.

Pa e obra “Kòrsou” ku a bai laira KP ta gradisí e famoso personahe Gabi Mercera. Un gradisimentu ta bai tambe na Celestino “Kochi” Jansen ku tambe a partisipá ku su obra.

Ku e aktividat aki Kousa Promé kier demostrá ku bo por konsientisá pa elekshon na un forma edukativo i kreativo. Ta keda na pueblo di Korsou pa dia 19 di mart próksimo vota konsiente.

Lider I Artista Ku Kousa PromeFli Kousa Na LairaFli Ku Teksto I Korsou

Related posts

Minister Glenbert Croes: Compania Arubano petroleo a firma un mou cu e compania Armstrong Oil and Gas Inc

EA News Author

Ronella Tjin Asjoe – Croes, CEO ATA: A base di proyeccion Aruba su recuperacion di Turismo ta sigui bay den bon caminda

EA News Author

Parlamentario Marco Berlis (MEP): Hybride Rijkswet a tene cuenta cu e mocion di e mayoria di Parlamento di Aruba

EA News Author

Leave a Comment

Whatsapp Message