Featured Bonaire

Download disasterprep Bonaire


Disasterprep Bonaire ta e app di Entidat Públiko Boneiru na momentu di kalamidat òf krísis. Download e app via iTunes i Google Play. Den e app bo ta lesa kon bo por prepará bo mes pa diferente tipo di kalamidat i kiko Entidat Públiko Boneiru por nifiká pa bo durante e kalamidatnan akí. Via e app Entidat Públiko Boneiru por manda notifikashon ‘push’ di importansia pa tur usuario durante un kalamidat òf krísis.

Un orkan, hos òf kandela. Un tsunami òf hasta un inundashon. E app akí pa abitantenan i bishitantenan di Boneiru ta kontené informashon tokante e preparashonnan ku por hasi promé, durante i despues di un posibel kalamidat òf insidente. Den futuro nos ta bai amplia e informashon den e disasterprep mas tantu ainda. 

E disasterprep ta disponibel na papiamentu, hulandes, ingles i spañó. Bo por hasi uso di e app sin dato pa ‘log in’. E tin un parti públiko pa tur habitante i bishitante i un parti privá spesialmente pa e organisashon di kalamidat i krísis di Boneiru.

Download e app awor akí i prepará bo mes i bo famia pa posibel kalamidatnan òf insidentenan. Despues ku bo a download e app akí bo tin e informashon akí semper disponibel riba bo telefòn! 

Si bo tin e app pa basta tempu kaba riba bo telefòn, ta bon pa download esaki di nobo pa asina bo optené e vershon di mas nobo.  

Related posts

Un proyecto di algen cu Aruba a paga pe y no ta existi, pero den seis luna Richard Arends a cobra casi mey miyon for di RDA via Horizon mas salario di director pa 4 luna

EA News Author

Sabiduria den nos alegria ! Skirbi pa Ruthy”Lady Ruth” Vrieswijk-Bergen

EA News Author

Minister Dangui Oduber tambe a haya su vacuna contra COVID-19

EA News Author

Leave a Comment