Local

E experiencia “Cunucu Wonderland” ta dia 21 di december proximo!

Edjean Semeleer Cu Concierto Di Pasco Pa Aruba

Edjean Semeleer cu concierto di Pasco pa Aruba

E cantante y productor di e popular “Hey… ta Pasco!” a sa di deleita nos comunidad cu su albumnan musical di fin di aña desde aña 2003 y e exitoso conciertonan di Pasco desde 2006. Durante ultimo añanan nos por a mira innovacion den e forma di presenta e conciertonan di fin di aña. 

E aña aki, e experiencia “Cunucu Wonderland” lo tuma lugar den e ballroom completamente renoba di Renaissance Convention Center diaranson 21 di december. 

Un setup completamente estilo VIP unda cu tur hende lo ta sintando comodamente na mesa cu bista extensivo pagando solamente AWG. 50,-. E experiencia aki ta un celebracion musical di fin di aña compaña pa un elenco grandi di musicos, cantante y tambe bailarin presentando temanan clasico den un areglo musical diferente.
Por a nota un reaccion positivo instantaneo considerando cu despues di tanto tempo di incertidumbre, nos hendenan ta ansiosamente buscando pa disfruta di momentonan positivo y memorabel. 

Desde 2016 pa 2018 Edjean a presenta su conciertonan den monumentonan manera Stadhuis, Casa Mathias y Nicolaas Store pa promove tambe e importancia di nos monumentonan. Na 2019 den e amfiteatro magico di Ser’i Noka Edjean a presenta e regreso pa un anochi di “Hey… ta Pasco!” y tambe su celebracion di 25 aña den farandula.


E ultimo dos añanan a traves di e plataforma digital debi na e pandemia, nos comunidad por a disfruta di su conciertonan cu a wordo transmiti for di e sala di Edjean su propio cas. 

Pa 2022 a wordo anuncia cu porfin lo tin un concierto di Pasco di gala bek den cual publico local por tey presente.

Companianan y organisacionnan manera Unoca, New India Assurance, Aruba Bank, Setar, WEB Aruba N.V., Super Food Plaza y Clickprint ta orguyoso y contento di por aporta na otro iniciativa excelente di un artista local. Creando asina mas plataforma pa decenas di artista mas cu ta parti di e proyecto aki por inspira, alegra y motiva e ser humano. Aportando tambe na e desaroyo di Aruba su Industrianan Cultural y Creativo. 

Nan tur ta invita bo pa tey presente sin falta dia 21 di december den Renaissance Convention Center pa disfruta di e concierto di gala y experiencia “Cunucu Wonderland”. 

Pa mas informacion y pa carchi, por comunica cu Fundacion Go Cultura na 5695442 of info@gocultura.org

Edjean Semeleer Cu Concierto Di Pasco Pa Aruba...

Related posts

Parlamentario Alan Howell honra pa ta presente durante examen final di landamento escolar

EA News Author

Aña 2024 lo conoce retonan cu e gobierno mediocre actual no lo por soluciona

EA News Author

Fundacion autismo Aruba ta pensa riba cada mayor cu ricibi diagnostico di un yiu autismo

EA News Author

Leave a Comment

Whatsapp Message