Critica enorme riba representacion di Aruba den reunionnan di Reino. Diferente opinionnan den arena politico ta mustra preocupacion riba e manera cu Aruba ta wordo representa den reunionnan di Raad van Ministers van het Koninkrijk (RMR), caminda e propuesto Rijkswet HOFA ta wordo trata. Criticanan ta señala cu e discusion riba e ley ta tuma luga mientras cu, tin oposicion den parti di un segmento di e comunidad Arubiano ta contra di e ley di HOFA manera cu e ta na e momentonan aki.
Mas di dies mil persona a mustra oposicion contra e propuesto di rijkswet, loke a genera debate amplio riba e proceso y e grado di consenso riba e tema. Na mes momento, algun bosnan ta critica cu comunicacion cu e pueblo no ta suficientemente cla.
Debate riba rol di minister di Relashonnan di Reino
E discusion tambe ta enfoca riba e rol di Gerlien Croes, kende gobierno a presenta como minister di Relashonnan di Reino. Criticanan ta alega cu e posicion aki ta genera confusion, pasobra segun nan interpretacion e responsabilidad formal pa relacionnan di Reino ta keda bou di e oficina di Mike Eman como Promé Minister. Lim no a pasa den parlamento y tampoco LIm no a wordo firma door di Gobernador , e LIM a keda colga y tur minister ta trahando segun e carteranan bieu di e gobierno anterior.
E situacion por crea un imagen confundi den reunionnan internacional di Reino y por influencia e percepshon riba representacion di Aruba.
Preocupacion riba confiansa den politica
Observadornan politico ta señala cu e debate riba e tema aki ta contribui na un clima di desconfiansa den politica, algo cu ya tabata presente den aña anterior bou di e mes un gobienro di AVP, pero awo bou di FUTURO tambe. Ta enfatisa cu claridad institucional y transparencia ta importante pa mantene credibilidad di e pais tanto internamente como den e Reino.
E discusion riba Rijkswet HOFA, representacion di Aruba y e rol di diferente minister nan ta sigui genera reaccionnan fuerte den comunidad politico, cu diferente sector ta pidi mas comunicacion y clarificacion riba e proceso.
Recientemente a tuma e decision pa finalmente nombra un Minister Plenipotenciario pa Aruba na Hulanda, aunke segun critica den arena politico y den pueblo, e paso aki tabata algo cu na un principio no tabata den plan. E nombramento finalmente a wordo haci pa cumpli cu e ley y reglamentonan cu ta regula representacion di Aruba den Hulanda.
Sinembargo, segun e opinionnan aki, e preguntanan principal ta keda riba e situacion cu a pasa PROME cu e nombramento di minister plenipotenciario. Minister di Relacionnan di Reino Gerlien Croes a representa Aruba na Hulanda den e capacidad aki mientras cu, e no tin e autoridad formal pa actua den e rol ey.
E situacion a causa confusion y a crea un imagen negativo pa Aruba den reunionnan oficial, unda e minister a negocia y papia na nomber di Aruba. E criticanan ta cualifica e situacion como un berguensa pa Aruba, tanto na nivel nacional como internacional.
E pregunta cu ta keda awor : ken ta para responsabel pa e decisionnan cu a wordo tuma prome? Ta di opinion cu e manera cu e tema a wordo maneha a causa daño na reputacion di Aruba y a crea preocupacion riba e manera cu e pais ta wordo representa den Reino.
Minister di Vice-Prome Minister, Enseñansa, Hubentud, Innovacion y Deporte a manda ex Minister Plenipotenciario cas sin cu tin un reemplasante, a tuma decisionnan den Arubahuis sin cu Aruba Huis ta cay bou di su ministerio, a tuma e decision hunto cu DRH sin cu e maneho ta cay bou di su carteranan oficialmente. Pero cu tur e decisionnan aki ta wordo dicidi conhunto den Minister Raad na Aruba unda cu tur minister ta bay diacuerdo pa Minister Gerlien Croes haci e pasonan cu aprobacion di henter e gabinete.
Importante pa klarifica
Den struktura oficial di gobierno di Aruba:
- No tin un ministerio formal ku yama “Minister di Relacionnan di Reino.”
- Asuntonan di Reino normalmente ta bou di responsabilidat di Mike Eman, komo Promé Minister di Aruba.
- Aruba tambe tin un Minister Plenipotensiario na Hulanda, kende ta representa Aruba den reunionnan di Raad van Ministers van het Koninkrijk (RMR) y ta cay directamente bou di Prome Minister unda cu desicionnan mester tuma luga.
P’esey, ora hende ta bisa “Minister di Relacionnan di Reino” pa Croes, mayoria biaha ta referí na un rol den gabinete pa trata asuntonan di Reino, Dus cu Minister Raad ta dicidi y mane un mucha manda pa show y biahe ta manda Minister Croes?, pero no ta un titulo oficial di ministerio separa den structura di gobierno.