Francel Bernardus Vice president di sindicato SPA ta indica cu Sindicato a reuni riba e preocupacionnan cu tin pa cu siguridad di polis riba caya. Prome cu e paradanan di carnaval, sindicato SPA a reuni cu su miembronan na Hato. Esaki ta debi cu caya ta un poco ferfelo y e situacion ta un poco fastioso. Tin menasanan a cay aki aya pero polis ta na altura di tur.
Sinembargo den e reunion ultimo a tuma e decision cu polis lo keda actua semper manera e sa actua segun regla y ley. Polis tey pa pone orden publico y esey ta keda e caso tambe. E paradanan tras di lomba a cana bon y cu respet, pero na mes momento tabatin mas polis cu normal riba caya pa sigura e siguridad y orden publico.
Segun Francel Bernardus Vice president di sindicato SPA den su totalidad e carnaval nan tras di lomba a bay hopi bon aunke cu tin detencion aki aya , pero ta lo minimo. Loke ta un realidad semper durante di carnaval tin detencion, pero e ta varia hopi uno mas peligroso cu otro manera e dos gang nan cu a tira riba oro na San Nicolas.
Banda di tur cos polis semper tin plan B, y ta prepara pa cualkier eventual situacion. Pa e temporada di Carnaval aki lo ta bay tin hopi mas polis visual riba caya. E parada nan tras di lomba a bay hopi bon y ta spera cu e paradanan nos dilanti tur cos cana bon tambe.
E susedido di un caso cu polisnan ta envolvi y un hoben a perde su bida ta den investigacion y no ta mete den e parti aki , pero na mes momento Francel Bernardus Vice president di sindicato SPA ta indica cu KPA ta un organisacion profesional y lo keda traha profesional unda cu tur polis lo keda haci su trabou manera debe ser. Menasa otro no ta e caminda cu mester cana na dje, pero trata di resolve problemanan y conflictonan cu tin.
Pa loke ta trata sindicato SPA mes , segun Francel Bernardus Vice president di sindicato SPA awo aña a habri y mirando cu no tin un gobierno cu a sinta ainda no por duna informacion kico lo sosode cu e preocupacionnan cu tin den sindicato SPA, pero ta spera cu na momento cu gobierno sinta lo atende cu tur e puntonan. Sinembargo e siman aki sindicato SPA lo bay sinta cu formador pa tin un bista di e situacion di KPA.
