Featured Politica

E vacuna tin metanan multiple; nos ta alcansa inmunidad colectivo y na mes momento poco poco nos por bolbe brasa, baila y ta hunto atrobe


Segun informacion di Gobierno di Aruba, nos pueblo ta respondiendo na e yamada pa nos vacuna. Nos ta yegando 30.000 persona cu ya caba a haya e vacuna y nos a surpasa 40.000 persona cu a registra pa haya e vacuna. Pero nos mester ta consciente cu tanten cu e mayoria di nos comunidad no ta vacuna y proteha ainda, tur protocol y medida ta keda vigente y aplicabel.

 

E vacuna di Pfizer cu actualmente Aruba ta dunando tin un eficacia di 95%. Esaki kiermen cu esnan vacuna tin 95% menos chens di desaroya sintoma fuerte y complicacion, compara cu esnan cu no ta vacuna y ta bin den contacto cu e virus.

 

Si nos continua riba e ritmo aki, di registracion y vacunacion, sigur Aruba lo ta riba e bon caminda pa recuperacion y pronto nos lo vence e pandemia. Hunto nos ta avansa y logra e metanan multiple di e vacuna, esta nos ta alcansa inmunidad colectivo y na mes momento poco poco nos por bolbe brasa, baila y ta hunto atrobe. Algo cu mi ta sigur henter pueblo ta anhela.

Pesey mes ban sigui scapa bida, ban baha e cantidad di personanan hospitalisa y ban pa e progreso. Tur cos ta posibel tanten nos ta cuida nos mes y esnan rond di nos cu nos ta stima. Pa e motibo aki mes, mi tambe kier sigui haci un apelacion na tur cu ainda no a registra. Por fabor, ban sigui registra, registra bo mes y e grandinan den bo famia. Hulanda a garantisa cu na tur momento nos lo tin vacuna pa nos hendenan. Nos tin e solucion, ban haci uzo di dje.

Related posts

Parlamentario Menki Rojer kier aclaracion si berdaderamente ta laga trahadornan di cuido traha cu COVID

EA News Author

Nos limitacion visual no ta stroba nos pa sigui studia

EA News Author

Parlamentario Edgard Vrolijk di MEP: Un voto pa Mike Eman y AVP ta un voto pro corupcion!

EA News Author

Leave a Comment