Iglesianan Cristian di Aruba (ICA) ta un organisacion bon conoci aki na Aruba cu ta lucha pa mantene husticia den nos sociedad. Un otro palabra pa husticia ta moralidad, esta loke Dios ta considera bon of malo. Embahada Cristian Aruba (ECA) ta un organisacion cu ta resorta bou di ICA pa atende cu asuntonan di gobernacion. Embahada Cristian Aruba ta organisa un encuesta pa tur candidato riba tur e diesun listanan politico cu ta participa na e proximo eleccion. Pasobra no ta husto pa e electorado pone nan confiansa den un candidato pa despues di eleccion bin tende cu e candidato aki ta sostene asuntonan cu ta bay contra e concepto di moralidad di e votado. E encuesta pa tur e candidatonan riba tur diesun lista politico ta habri te 2 di december 2024. Entrante 3 di december 2024 resultado di e encuesta lo ta disponibel pa e pueblo votado.
Iglesianan Cristian di Aruba
30 di november 2024